Aktori i mirënjohur Ben Affleck, po e shtynë gruan e tij, artisten, Jennifer Lopez, ta rishikojë rrjedhën e karrierës së saj e t’i kontrollojë më mirë bashkëpunëtorët në mënyrë që të ketë suksesin e duhur.
Kohët e fundit, çifti janë bërë krye temë e mediave botërore, ku pas ceremonisë MET Gala, në të cilën Jennifer u shfaq vetëm, filluan thashethemet se çifti kanë probleme martesore, raporton The Sun.
Jennifer Lopez dhe Ben Affleck tregojnë afërsi me njëri-tjetrin pas thashethemeve për ndarjen
Mundesh me e lexu edhe…
Ndërkohë që ditë më parë, Jennifer anuloi turneun e saj që do ta mbante gjatë verës në SHBA, me arsyetimin se po dëshiron të kalojë më shumë kohë me fëmijët e familjen, burimet e afërta me çiftin kanë thënë se Beni i ka thënë asaj ta rishikojë rrjedhën e karrierës dhe se është fjalosur me disa anëtarë të ekipit të saj.
Sipas burimeve, Ben i ka thënë ekipit të saj se ata po ia mbushin mendjen Jenniferit të bëjë projekte mediokre ndërkohë që albumi i saj i ri, “nuk është se pati ndonjë sukses të madh, marrë parasysh punën e madhe që ajo bën”.
Jennifer Lopez dhe Ben Affleck tregojnë afërsi me njëri-tjetrin pas thashethemeve për ndarjen
“Beni i ka thënë Jenniferit ta rishikojë karrierën e të bëjë një ekip më të mirë prapa saj. Ai është fjalosur me disa anëtarë të ekipit të saj qe një kohë dhe kjo gjë ka krijuar tension. Ai do më të mirën për të dhe po mendon se ajo po bën shumë projekte mediokër ndërkohë që rrethohet me ekip që pa hezituar i thonë ‘po’ çdo pretendimi për bashkëpunim, të cilët gjithashtu marrin vendime pa u konsultuar me të”, ka thënë një burim i afërt me çiftin.
Ky burim ka shtuar se Jenniferi bën shumë punë për një herë, ndërkohë që Beni po e këshillon të bëjë sikur ai, të punojë shumë duke u fokusuar vetëm në një gjë.
Ani pse është raportuar se puna e shumtë që bën këngëtarja po i krijon probleme në martesë, ajo i ka thënë AP-së se e ka ulur intensitetin e punës dhe tani është dukur punuar përgjysmë më pak.
“Beni e mbështet atë dhe nuk do që ajo të zhgënjehet kur projektet nuk korrin suksesin e merituar. Kur bëhet fjalë për karrierën e tij, ai dëshiron të bëjë projekte që i interesojnë. Ata po mundohen t’i zgjidhin problemet dhe muajt e fundit kanë qenë të vështirë për ta”, ka shtuar burimi duke thënë se shitja e biletave nuk ka qenë e kënaqshme për turneun që po përgatitej dhe se ndoshta Beni mund të ketë të drejtë dhe se asaj do t’i duhet t’i bëjë disa ndryshime.
Jenniferi ka lansuar albumin “This is me…Now”, i cili u rangua në vendin e 38të në top 200-shin e Billboardit.
Ajo lansoi edhe dokumentarin e filmin me po të njëjtin emër, në mënyrë që ta shoqërojnë albumin e të tregoi gjithçka se si ka arritur deri aty, por këto projekte patën kritika jo fort të mira.
Artistja është edhe brend ambasadore e disa brendeve, përfshirë atë të kokteje “Delola” si dhe “Intimismi”, brend i veshjeve të brendshme.
Së fundmi ajo ka bërë filmin “Atlas”, i cili pavarësisht që është numër një në platformën “Netflix” nuk është se ka marrë kritika të mira nga njohësit e filmit./Katror.info
Përgatiti:
