Biblioteka Kombëtare e Kosovës (BKK) do të përfaqësojë Republikën e Kosovës në Kongresin Botëror të Bibliotekarisë dhe Informacionit, që këtë vit mbahet në Astana të Kazakistanit, nga 18 deri më 22 gusht, nën organizimin e Federatës Ndërkombëtare të Shoqatave dhe Institucioneve Bibliotekare (IFLA), shkruan Katror.info.
Sipas njoftimit të BKK-së, ky kongres është një nga ngjarjet më të rëndësishme në fushën e bibliotekarisë dhe shkencës së informacionit, duke mbledhur profesionistë, studiues dhe drejtues institucionesh nga e gjithë bota.
Ngjarja synon të ofrojë një hapësirë për shkëmbim njohurish, përvojash dhe ideve inovative, me qëllim të zhvillimit të politikave dhe praktikave bashkëkohore të shërbimeve bibliotekare, duke forcuar kështu rolin e bibliotekave në shoqërinë moderne./Katror.info.
