Bolonja ishte padyshim surpriza më e bukur e këtij sezoni në Serie A, me “kuqeblutë’, që siguruan me meritë një biletë në grupet e Ligës së Kampionëve për sezonin e ardhshëm, mirëpo duket se ky grup i mrekullueshëm që është krijuar te kjo skuadër do të shkrihet gjatë merkato së verës.
Tekniku italo-brazilian, Tiago Mota do të largohet drejt Juventusit, ndërkohë që me valixhe gati është edhe Xhoshua Zirkzee, “ylli” i skuadrës, me “tulipanin” holandez, që pëlqehet shumë nga “Zonja e Vjetër”, por edhe “Djajtë” e Milanit, teksa nuk përjashtohen as kalimi në Premier Ligë apo rikthimi te Bajerni.
Për këtë aryse, drejtuesit e Bolonja-s kanë nisur punën për të gjetur zëvendësuesin e tij dhe në listën e dëshirave është edhe një shqiptar. Bëhet fjalë për Albion Rrahmanin, sulmuesin e përfaqësueses së Kosovës, pjesë e Rapid Bukureshtit në Rumani.
Mundesh me e lexu edhe...
“Dardani’ ka realizuar plot 19 gola këtë sezon me ekipin kryeqytetas me 23-vjeçarin nga Podujeva, teksa numëron edhe 5 asistime dhe falë këtyre performancave pozitive ka tërhequr vëmendjen e klubeve të ndryshme.
Benfika e monitoron prej kohësh, gjithashtu edhe Verder Bremen, por jo vetëm, pasi Rrahmani pëlqehet shumë edhe nga Bolonja dhe sipas shtypit italian raporton se dyshja Sartori-Di Vaio po ndjekin me interes goleadorin e talentuar, për të cilin Bolonja do të ishte një destinacion perfekt./Katror.info
Përgatiti:
