Banka Qendrore e Republikës së Kosovës (BQK) ka miratuar Rregulloren për Sistemet e Informacionit dhe Menaxhimin e Rrezikut Kibernetik, duke vendosur një kornizë gjithëpërfshirëse për forcimin e sigurisë digjitale dhe qëndrueshmërisë operacionale në sektorin financiar.
Rregullorja është hartuar me mbështetjen e Fondit Monetar Ndërkombëtar (FMN) dhe bazuar në vlerësimet e industrisë, si dhe rezultatet e mbi dhjetëra ekzaminimeve të realizuara gjatë viteve të fundit nga fusha përkatëse.
Miratimi i saj përfaqëson një hap strategjik drejt ndërtimit të një industrie financiare më të shëndoshë, të sigurt dhe të qëndrueshme. Përmes kësaj rregullative, BQK ofron një kornizë të qartë për institucionet financiare, duke i ndihmuar ato të adoptojnë praktika të sigurta që mbrojnë jo vetëm infrastrukturën teknologjike, por edhe stabilitetin financiar, besimin e publikut dhe interesat e konsumatorëve.
Mundesh me e lexu edhe…
Rregulloren e plotë mund ta gjeni në web-faqen e BQK-së këtu.
/Katror.info.
