Regjisori shqiptar Bujar Alimani, po sjell për publikun shqiptaro-amerikan filmin e tij të fundit “Fluturat”, një dokumentar me historitë e 21 grave që kanë lindur e janë rritur në kampet e internimit në Gradishtë të Lushnjës.
Filmi u shfaq në Universitetin e Hardvardit këtë fundjavë.
Gratë që u internuan në kampin e punës në Gradishtë ishin fëmijë të njerëzve që ishin akuzuar për krime kundër regjimit represiv komunist, ose të afërm të atyre që ishin arratisur nga Shqipëria. Ka gra që lindën në kamp, ndërsa të tjerat u dërguan atje me nënat e tyre kur ishin të vogla. Disa prej grave që rrëfejnë historitë e tyre janë Matilda Mirakaj, Vilma Kaloshi, Fatmira Bajo, Anila Ndreu, Kafile Sina, Floreta Kaloshi, Elsa Kaloshi, etj.
Mundesh me e lexu edhe...
Sipas regjisorit, secila prej ngjarjeve të këtij dokumentari është unike dhe ka si qëllim njohjen e këtij realiteti nga brezat e rinj. Por ndonëse në film paraqitet e shkuara jonë historike, në të nuk mungojnë as grimca aktualiteti.
“Dokumentari ka një strukturë pak a shumë kronikale ku shtjellohen disa faza të jetës, punës dhe zhvillimit biologjik të tyre, duke kuptuar edhe ditët e sotshme. Por në tërësi, filmi përcjell idenë e rezistencës, ruajtjes së dinjitetit njerëzor dhe humanizmit”, tha regjisori për gazetën SI.
Regjisori Bujar Alimani e mbylli vitin që la pas me një tjetër sukses në fushën e kinemasë.
Filmi “Virgjëresha Shqiptare” [Albanian Virgin] me regji të tij u vlerësua me dy çmime në Festivalin e Filmit në Varshavë.
Ka vite që ka nisur karrierën e tij si regjisor, por thotë se i ka ndryshuar perfeksioni profesional, i sheh gjërat ndryshe, pjekuria estetike, pakënaqësia me pak. Kërkesa për një karrierë të suksesshme me filma të mirë.
Probleme në jetën artistike shpreh edhe Bujar Alimani, regjisor me produktivitet të lartë në kinematografinë shqiptare pas viteve 2000. Sipas tij, në fushën e kinemasë duhet të ketë një gjykim të saktë dhe të drejtë të projekteve filmike.
Një problem tjetër për regjisorin është rrjeti i kinemave në vend, sipas tij bashkitë kujdesen më shumë për teatrot se sa për kinematë dhe mungon rrjeti i kinemave.
Kujtojmë se filmi premieren për publikun shqiptar e pati në gusht ë këtij viti, ndërsa tani po shfaqet edhe për publikun amerikan./Katror.info
Përgatiti:
