Kuzhina meksikane asht nji ndër kuzhinat ma t’famshme e ma t’preferume t’njerëzve t’kulturave t’ndryshme n’mbarë botën. Ajo njihet për delikatesat n’petë, me shumë djegësti, përbërës t’freskët e kombinime interesante, por edhe për variacionet e ndryshme t’cilat i ofron. Specialitetet si tacos, tortillas, enchiladas, nachos, tamales vështirë se paramendohen t’servume pa ndonji salcë pikante.
Nëse je prej atyre që kanë qejf me hangër ushqime meksikane, por je ka mundohesh me u kujdesë n’ushqim dhe mos me konsumu shumë bumna, atëherë burrito-proteinik n’pjatë asht zgjedhja ideale, meqë përmbanë t’gjitha vlerat e nevojshme ushqyese, por nuk ban kompromis me shijen meksikane me t’cilën jemi mësu. E qysh me e realizu 1 pjatë t’tillë ta tregojnë ma s’lehti e s’miri hapat n’vazhdim.
PËRBËRËSIT (servimi për 4):
400 gr gjoks pule (i prerë n’fije)
100 gr oriz
100 gr pasul i kuq i konservum
100 gr misër i konservum
3 domate (t’prera n’kube)
1 avokado (e prerë n’kube)
1 qepë e kuqe (e grirë imët)
1 tufë magdanoz (i prerë)
1/2 sallatë e gjelbër (e prerë)
1 limetë (lëvore e grirë dhe lang i shtrudhun)
1 limon (lëvore e grirë dhe lang i shtrudhun)
4 lugë gjelle vaj ullini
2 lugë gjelle pastë domatesh
1 lugë çaji hudhër pluhun
HAPI 1:
Mishin e prerë marinoje me pastë domatesh, vaj ullini dhe hudhër pluhun e fërgoje n’tigan t’nxehtë për 15-20 minuta.
Mundesh me e lexu edhe...
HAPI 2:
N’tenxhere shto orizin, magdanozin, langun dhe lëvoren e grirë t’limetës dhe limonit, dhe zije orizin deri sa t’shterron (20-25 minuta përafërsisht). Pasi t’jetë gati orizi dhe mishi, vendos n’pjatë t’thellë pak sallatë e sipër saj shto 4 lugë gjelle oriz, 3 lugë gjelle misër dhe 3 pasul, shto 1/4 e sasisë t’domateve, avokados dhe qepëve si dhe 1/4 e mishit t’pulës. Njisoj vepro edhe me pjatat tjera dhe servo.
REZULTATI:
Shijoje këtë super-pjatë t’mbushun vlera ushqyese dhe shije gjatë drekës apo darkës, ndërsa pjesën e mbetun mundesh me e paketu n’kuti platike/xhami dhe me e marrë t’nesërmen n’punë e me ja hjekë gajle vehtës pauzën. Madje, për ekstra shije dhe ushqyeshmëri, mundesh me e përgatitë edhe 1 smoothie me mango dhe spinaq.
Ngjashëm, ti poashtu mundesh me i përgatitë edhe fajita-t vegjetariane (me kërpudha dhe perime), fajita-t me mish pule, apo edhe fajitat me mish viçi dhe perime e me u kënaqë krejt. Biles, nëse veç ke merak me e shoqnu ndonjanën prej tyre edhe me ndonji koktell meksikan, atëherë receta e margarita-s klasike dhe ajo e strawberry margarita-s janë recetat e duhuna për ty. Shijo! /katror.info/
Përgatiti:
