Buzz Aldrin ka njoftuar se është martuar me “dashurinë e tij të gjatë” në ditëlindjen e tij të 93-të, duke thënë se ata të dy janë “aq të emocionuar sikur të rinj”.
Astronauti në pension – njeriu i dytë që shkeli ndonjëherë në Hënë – tha se ishte martuar me Dr. Anca Faur, e cila thuhet se është 63-vjeçare, në një ceremoni të vogël në Los Angeles.
“Në ditëlindjen time të 93-të dhe ditën që do të nderohem gjithashtu nga “Living Legends of Aviation” kam kënaqësinë të njoftoj se unë dhe dashuria ime prej kohësh Dr. Anca Faur jemi martuar”, shkroi ai në Twitter.
Mundesh me e lexu edhe…
“Ne u bashkuam në martesën e shenjtë në një ceremoni të vogël private në Los Angeles dhe jemi po aq të emocionuar sa të rinj”.
Aldrin ndau dy foto nga dasma ku shfaqej Faur me një fustan me shkëlqim dhe vetë i veshur me një kostum, të dekoruar me një medalje dhe simbolin e tij të Forcave Ajrore.
Ai ka qenë pjesë e misionit hënor Apollo 11 në vitin 1969 ku shkeli sipërfaqen e Hënës së bashku me astronautin e ndjerë Neil Armstrong. Armstrong njihet si njeriu i parë që shkeli në Hënë. Ndërkaq, Michael Collins ishte po ashtu pjesë e misionit mirëpo qëndroi në orbitë./Katror.info
Përgatiti:
