Fushat me tulipanë në të gjithë Kanadanë tani janë në lulëzim të plotë, duke mbuluar tokën me ngjyra të ndritshme pasi mbërrin pranvera. Pamjet ajrore tregojnë fushat e gjalla me tulipanë në Niagara të Kanadasë, derisa vizitorët mblidhen në një fermë lokale për të shijuar diellin dhe për të mbledhur tulipanë.
Sezoni vjetor i tulipanëve tërheq qindra vizitorë në tokën bujqësore shumëngjyrëshe të mbushur me tulipanë të kuq, të verdhë, rozë dhe vjollcë, ku ata ecin midis luleve, fotografohen, shijojnë aromat dhe mbledhin lule për t’i çuar në shtëpi.
Në një park kombëtar në rrethin Manisa të Turqisë, ku ndodhen mbi 100 lloje bimësh, ka filluar të çelë edhe një specie e rrallë dhe e mbrojtur e quajtur ‘Tulipani i Manisës’ (tulipa orphanidea). Me ngrohjen e motit, pamjet mahnitëse kanë tërhequr shumë vizitorë që fotografojnë lulen e veçantë. Për të mbrojtur këtë specie të kërcënuar, Drejtoria Rajonale e Zonave të Mbrojtura ka rritur masat, shkruan Top Albania Radio.
Mundesh me e lexu edhe...
Përveç dënimeve për këputjen e luleve, tani ndëshkohen edhe ata që dëmtojnë rrënjët e saj. Në këtë drejtim, gjoba për shkatërrimin e biodiversitetit këtë vit është rritur në 1,800 euro. Rajoni monitorohet me kamera të fshehta, ndërsa rojet e pyjeve u bëjnë thirrje vizitorëve për kujdes dhe ndërgjegjësim ndaj natyrës.
Tulipani është një lule që ka një simbolikë të thellë dhe shumë dimensionale, e lidhur ngushtë me dashurinë, bukurinë dhe elegancën. Tulipanët janë të njohur për ngjyrat e tyre të ndezura dhe formën e thjeshtë, por të bukur, dhe kjo i jep atij një ndikim të menjëhershëm të tërheqjes.
Në shumë kultura, tulipani është simbol i dashurisë të sinqertë dhe të pasionuar, dhe nganjëherë përdoret për të shprehur adhurimin dhe respektin ndaj dikujt.
Tulipani i kuq është i njohur për përfaqësimin e dashurisë së thellë dhe pasionit, ndërsa tulipani i bardhë shpesh lidhet me pastërtinë, përkushtimin dhe ndjeshmërinë. /Katror.info
Përgatiti:
