Dikur ishte një nga figurat që nuk mungonte në ekran thuajse çdo javë. Mirëpo prej vitesh, televizioni e madje as Kosova, nuk janë më komfort-zona e saj.
Aktorja Flutura Zeneli, e cila dikur ishte mjaft aktive në shfaqjet teatrale dhe ato televizive, ka tash e një dekadë që është zhvendosur nga vendlindja e saj. Ajo ka krijuar një jetë të re në Francë, ku tashmë është bërë nënë e një djali – i cili ia ka ndërruar thuajse të gjitha prioritetet jetësore, shkruan Telegrafi.
Në një intervistë për Telegrafin, për të treguar arsyen se pse u largua nga Kosova, jetën e saj të re në Francë dhe planet që ka për të ardhmen.
Mundesh me e lexu edhe…
E njohur si ‘Mimoza’ me emrin e saj të dytë, falë rolit të saj shumë të pëlqyer në hit-serialin e dikurshëm vendor “Tre Gjermanët e Trashë”, Flutura flet edhe për dëshirën që një ditë të kthehet në vendlindjen e saj, për të cilën ka shumë mall. Ndërsa përvoja në serialin “Tre gjermanët e trashë” për të mbetet e paharrueshme.
“Pas rolit të Qëndresës ne regji të Adem Mikullovcit roli i Fluturës është një rol që e kam për zemër dhe që është pëlqyer shumë nga publiku. Është stili i serialit që është pëlqyer në rend të parë pastaj të gjitha rolet veç e veç janë pëlqyer në publik. Duke iu falënderuar Lirak Qelajt e Florent Boshnjakut ne kemi arritur shikueshmërinë më të lartë të asaj kohe me “Tre Gjermanët e trashë”. Eksperienca e asaj kohe në Kohavision (KTV) por edhe ne RTK më vonë nuk harrohet si profesionalisht ashtu edhe shoqërisht. Me ekipin kemi kaluar shumë mirë në prova, me të qeshura pa fund gjatë provave por edhe gjatë xhirimeve me bisedat tona në bufenë e Teatrit “ODA”. Janë shumë momente të bukura që nuk harrohen asnjëherë,” thotë Mimoza duke u shprehur se kurdo që do të mund ta thërrisnin ajo është e gatshme të kthehet nga Franca për të luajtur në serial.
E pyetur për ndryshimet mes kinematografisë dhe teatrit në Kosovë dhe Francë, Flutura shprehet se nuk ka shumë dallim nëse flitet për ndërtimin e roleve mes kolegësh.
“E nëse flasim për kushtet që i ofron teatri kanë mjaft dallim sepse këtu çdo secili e bën punën me përkushtim dhe profesionalizëm deri tek detaji më i vogël dhe këtu nuk po flas për aktorët por për nëpunësit e teatrove. Kushtet e punës janë shumë të kënaqshme këtu, por dashuria dhe kënaqësia mes kolegësh është më e lakmueshme në Kosovë.”
E pyetur se sa shpesh kthehet në Kosovë dhe çfarë i mungon më së shumti kur është larg, Flutura thotë se i mungon vetëm ngrohtësia e familjes, shoqërisë dhe kolegëve.
E bërë nënë së fundi, Flutura thotë se është e përmbushur me dashurinë që i jep i biri.
“Të ankohem e di se nuk kam të drejtë, por sikur çdo nënë besoj edhe unë po kaloj edhe momente të vështira kur nuk po arrij shembull ta kuptoj beben pse qan. Po i mësoj mimikat dhe mënyrat e ndryshme të të qarave të bebit. Me timen po mundohem në maksimum ta bëj që të ndjehet mirë dhe i sigurt në këtë botë po sigurisht se e ka vështirë të adaptohet. Sikur çdo fëmijë tjetër që do pak kohë të stabilizohet me të gjitha ndryshimet që i vijnë pas ardhjes në jetë. Përndryshe çdo minutë e jetës time është e përkushtuar për të dhe rreth tij. Tani e kam rolin jetësor rolin më të bukur e më të realizueshmin, rolin e nënës.”
Flutura Zeneli pavarësisht se është larg Kosovës tash e 12 vjet, ëndërr e ka të kthehet.
“Të kthehem aty ku kam rrënjët, me mendje e zemër jam atje por tani duhet të marr vendimin për tu kthyer. Nuk do ia kisha uruar askujt ta kalojë jetën në kurbet. Unë për veten time nuk kam më kohë e as energji të jap për këtë vend. Mjaft gjatë kam jetuar këtu e në fillim kam ardhur për dy vite dhe ja u bënë 12… koha po ecë shumë furishëm.”
Flutura që e ka si thënie të saj “Beso me forcën e shpirtit”, iu bën thirrje të gjtihëve që të dhurojnë energji të mirë.
“Çdo ditë mendo se mund të bëhesh njeri më i mirë se dje. Bëni të mira rreth vetes, dhuroni energji të mirë se do ju kthehet me energji edhe më të mirë në të ardhmen.”/Telegrafi/Katror.info
Përgatiti:
