A e dini se çka nënkupton paga bruto dhe ajo neto, dhe si kalkulohet me legjislacionin e ri i cili ka ndryshuar shkallët tatimore dhe ka caktuar lartësinë e pagës minimale.
Ajo për të cilën është folur shumë këto ditë, është shuma prej 6.8 euro që do t’iu kthehen taksapaguesve në pagat e tyre.
Në këtë video kemi me ua shpjegu hap pas hapi qysh ka me u tatu tash paga, por edhe dallimi i pagës bruto ndaj asaj neto.
Paga bruto nënkupton shumën totale të parave për të cilën paguhesh nga punëdhënësi, para zbritjes së taksave, ku hyjnë si tatimet në rrogë ashtu edhe ato të pensionit.
E paga neto është pagesa e pastër e cila transferohet te llogaria juaj bankare, pasi që është hequr kontributi yt dhe punëdhënësit për Fondin e Kursimeve Pensionale të Kosovës apo i njohur si Trusti, si dhe tatimi në pagë.
Ndërsa, për Trust ndahen 5 për qind nga ti dhe 5 për qind nga punëdhënësi nga paga, tek tatimi në të ardhura gjendja ndryshon, meqë janë shkallët tatimore:
Pra për pagën 0 deri 250 euro nuk ka tatim fare Për 250 deri 450 tatimi është 8% Dhe për 450 e tutje është 10 %
Hajde ta zbërthejmë edhe pak. Nëse paguhesh 500 euro në muaj, atëherë ti ke me pagu 50 euro për pension – 25 euro prej rrogës tënde, e 25 nga punëdhënësi.
Pas kësaj shume të kanë mbet 475, prej të cilës në emër të tatimit në të ardhura të hiqen edhe 18.50 euro edhe si përfundim, pagën neto e merr 456.50 euro.
Por, edhe paga bruto dhe neto dallon varësisht prej llojit të kontratës, që nënkupton se me kontratë sekondare (pra nëse e ke edhe një punë tjetër krahas asaj kryesore) ka me të ra me pagu më shumë e me marrë më pak në fund të muajit.
Por, sidoqoftë, për me kalkulu pagën tuaj varësisht prej kontratës, përdoreni website-n e Administratës Tatmirore të Kosovës, përkatësisht kalkulatorin e pagave, ku mundeni me pasë të qartë dallimin e pagës nga bruto në neto. Por, ma e rëndësishme sesa ky dallim, është që ju me qenë të kënaqun si me pagë, ashtu edhe me punën që e bëni. /Katror.info
Përgatiti:
