Brad Pitt ka punuar me aktoret më të mëdha të Hollivudit, por aktorja e tij e preferuar e të gjitha kohërave mund t’ju befasojë. Kur u pyet në vitin 1996 për aktorët e tij të preferuar në industrinë e filmit, Pitt tha se njihte shumë pak burra që mund t’i shikonte.
“Kjo është arsyeja pse unë i vlerësoj filmat e vjetër sepse ata tregojnë një burrë që qëndron në mbrojtje të parimeve të tij. Le të marrim Robert Redford për shembull. Burrat donin të ishin si ai, dhe gratë ëndërronin që burrat të ishin si ai,” tha ai.
Edhe pse pamja duket se luan një rol të madh në famën e Hollivudit, Pitt beson se yjet më të mëdhenj nuk janë gjithmonë ato që ne do t’i quajmë simbole seksi.
Mundesh me e lexu edhe…
“Pamja e jashtme është përshtypja e parë, por ne nuk përqendrohemi vetëm në të. Dikush nuk të bie menjëherë në sy, por kur flet, bëhet më i bukuri në botë”, shpjegoi ai.
Aktorja e tij e preferuar e të gjitha kohërave, Dianne Wiest, nuk vlerësohej për pamjen e saj apo për të qenë seks simbol. Rolet më të spikatura të 75-vjeçares përfshijnë ato në Edward Scissorhands dhe Footloose.
“Aktoret më të mëdha nuk janë ata që do t’i quash të bukura. Unë do t’ju them se cila është aktorja ime e preferuar: Dianne Wiest. Nuk do ta quani atë seks simbol, por për mua ajo është gruaja më e bukur e ekranit.” tha Pitt.
Pasi studioi teatër në Universitetin e Maryland, Wiest bëri debutimin e saj në Broadway në vitin 1971 në Solitaire/Double Solitaire të Robert Anderson. Ajo vazhdoi të krijonte një karrierë tepër të suksesshme në skenë, përpara se të hynte edhe në film – duke fituar dy Oscar për Hannah and her Sisters të Woody Allen dhe Bullets Over Broadway./Katror.info
Përgatiti:
