Mesfushori i Kroacisë, Mario Pasalic, ka thënë se futbollistët e kombëtares së tyre e kanë “forcën mendore”, duke folur për sukseset në Kupën e Botës.
Ai tha që kroatët eliminuan një prej favoritëve më të mëdhenj në Kupën e Botës, por nuk do të ndalen me kaq.
“Kemi eliminuar Brazilin, favoritin për të triumfuar dhe tani jemi gati të përballemi edhe me Argjentinën”, tha fillimisht mesfushori i Atalanta-s për mediat italiane, përcjell Albanian Post.
Mundesh me e lexu edhe…
“Sekreti ynë? Forca mendore. Ndjesia është fenomenale. Kemi treguar se dimë t’i trajtojmë ndeshjet me lojtarë të mëdhenj. E dija se kishim forcë dhe të udhëhequr nga Luka Modric mund të bënim gjëra të mëdha në Kupën e Botës”, shtoi mesfushori kroat.
Kroacia aktualisht është nënkampion i botës, pasi që në Kampionatin e kaluar Botëror, ata shkuan deri në finale, ku më pas u mposhtën nga Franca. Pasalic shpreson që ata ta përsërisin këtë sukses.
“Nuk e prisja që do të kishim këtë sukses sikurse në Rusi dhe shpresoj që përsëri të ndodhë diçka e tillë. Është fantastike. Jemi në mesin e katër finalistëve, që në vetvete është një sukses joreal, por nuk duam të ndalemi me kaq”, tha mes tjerash kroati 27-vjeçar.
Kujtojmë që gjysmëfinalja mes Argjentinës dhe Kroacisë do të zhvillohet këtë të marte me fillim nga ora 20:00./Katror.info
Përgatiti:
