Mediat sociale çdo ditë e më tepër po rriten, shtohen dhe po e përmirësohen në mënyrë që të bëhen më të qasshme, më të lehta në përdorim, si dhe t’i përmbushin kërkesat e përdoruesve.
Disa nga të dhënat që janë gjeneruar nga Raporti Kryesor i GWI mbi trendet e fundit të mediat sociale përfshijnë krijimin e storieve të shkurtëra, krijimin e Augmented Reality e tregtinë online.
Videot e shkurtëra
Videot në short-form janë në trend. Nga secila grup moshë në secilin shtet, gjatë studimit tonë Zeitgeist, del se përmbajtja me formë të shkurtër është më e popullarizuar sesa ajo e gjatë. TikTok mund ta ketë nisur një epokë të re të videove me kohëzgjatje të shkurtër, por shumë platforma sociale tani ofrojnë alternativën e tyre.
Mundesh me e lexu edhe…
Reels kanë qenë të pranishme qe një kohë, por përdorimi i tyre çdo ditë po shtohet.
Në fakt, ka pasur një rritje prej 20% në numrin e përdoruesve të Instagramit që angazhohen me këtë feature që nga viti 2020. Kompanitë duhet t’i prekin konsumatorëve aty ku duan të kenë ndikimin më të madh, që do të thotë se rritja e investimeve të tyre në këtë format ka të ngjarë të shpërblehet.
Videot e shkurtra krijohen shpejt dhe priren drejt përmbajtjes që krijohet më lehtë dhe më spontanisht, të cilën njerëzit e kërkojnë.
Fuqia e një story të mirë
Story-t janë shumë të përhapura. Jashtë Kinës, 61% e përdoruesve të mediave sociale shohin apo krijojnë story në Snapchat, Instagram ose Facebook, çdo muaj. Ky numër është rritur pak që nga fundi i vitit 2020 dhe tashmë ka tejkaluar tre të katërtat e të gjithë përdoruesve të internetit në Amerikën Latine.
Përdorimi i Augmented Reality
Mbylljet dhe kufizimet e vazhdueshme nga pandemia lanë boshllëk për plotësimin e realitetit, me rreth një të tretën e përdoruesve të mediave sociale në ShBA dhe Mbretërinë e Bashkuar që thonë se Augmented Reality është i dobishëm për t’i provuar produktet që nuk mund t’i përdorje ndryshe gjatë pandemisë.
L’Oréal dhe MAC tashmë ofrojnë testim virtual të produkteve për kozmetikë në Instagram dhe mundësitë për industritë e modës, teknologjisë dhe stilit të jetesës po zgjerohen.
Tregtia brenda rrjeteve sociale po udhëheq të ardhmen e blerjeve në internet
Tregtia brenda rrjeteve sociale është e shpërndarë kudo, por në mbarë botën po manifestohen në forma të ndryshme. Amerikanët Latinë kryesojnë kur bëhet fjalë për t’u angazhuar me përmbajtje të promovuar dhe për të bërë blerje brenda aplikacionit. Në anën tjetër të spektrit, evropianët po përdorin më shumë bllokuesit e reklamave më pak të sigurta sa i përket të dhënave të tyre dhe janë më ngurrues për të bërë blerje në hapësirat sociale.
Hapësirat e tjera po bëhen më sociale
Sot, njerëzit shoqërohen në lloje të ndryshme të hapësirave virtuale. 3 në 10 gamer nga smartphones luajnë online me shokët e tyre të jetës së përditshme në baza mujore, dhe shumë përdorues thonë se dëgjojnë muzikë thjesht për të qenë në gjendje ta ndajnë me shoqërinë dhe familjen.
Në pesë vitet e fundit kemi parë se shumë shërbime muzikore dhe të lojërave mbështeten më shumë në anën sociale të gjërave – qoftë kjo në formën e ngjarjeve të transmetimit të drejtpërdrejtë si Fortnite apo fushatave si Spotify Wrapped, e cila inkurajon fansat e muzikës t’i ndajnë këngët dhe artistët e tyre të preferuar dhe më të dëgjuar me të tjerët.
Këto janë disa nga të dhënat e nxierra nga Raporti Kryesor i GWI rreth trendeve më të fundit në mediat sociale./Katror.info
Përgatiti:
