Çifti David dhe Victoria Beckham, po festojnë 25-vjetorin e martesës. Futbollisti dhe disenjatorja, në një postim të përbashkët në rrjetin social Instagram kanë ndarë fotografitë duke shkruar se ende i kanë veshjet e dasmës.
“Po, ende i kemi. Nuk po na besohet se kanë kaluar 25 vjet dhe ende na bien tamam”. Në ditën e dasmës së tyre ata patën zgjedhur të vishnin, fustan, përkatësisht kostum ngjyrë vjollce të krijuara nga disenjatori Antonia Berardi.
Victoria dhe David rikrijuan setin fotografik me veshjet ikonike të dasmës si dhe ulëset e stilit barok, që i patën përdorur një çerek shekulli më parë.
Mundesh me e lexu edhe...
Të dy yjet patën thënë se ishin bërë pishman për ngjyrën e veshjeve që kishin zgjedhur të vishnin atëherë, duke thënë se ishte një zgjedhje fëmijërore e naive.
David dhe Victoria Beckham festojnë 25 vjetorin e martesës
“Çka isha duke menduar? Dukesha si personazhet e filmit ‘Dumb and Dumber’”, pati thënë David ndërkohë që Victoria ishte pajtuar me të duke thënë se atëherë i ishte dukur si “ide e mirë”.
Ndërkohë që po fliste për shumë veshje që i kishin të njëjta me Davidin, Victoria pati thënë se po kënaqeshin duke u dukur njësoj.
“Mendoj se atëherë kjo gjë që bëmë ishte vendim naiv. Nuk dinim për modën. Vetëm po kënaqeshim me të, gjë që, të jem e sinqertë, është ashtu siç do të duhej të jetë”, pati thënë Victoria në vitin 2021 në emision te komediani Jimmy Fallon./Katror.info
Përgatiti:
