Ishte gushti i vitit 1935 që Toyota prodhoi automjetin e saj të parë, kamionçinën G1, e cila u montua në divizionin e automobilave Toyoda Automatic Loom Works.
Kjo kompani origjinale u themelua në vitin 1926 dhe prodhoi tezgjah automatikë, përpara se divizioni i makinave të ndahej në 1937 për t’u bërë Toyota Motor Corporation që njohim sot. Është interesante që Toyota Industries ende prodhon tezgjah automatikë…
Këto ditë, prodhuesi japonez i automjeteve po feston një moment të rëndësishëm në historinë e kompanisë. Rreth 88 vjet pas ndërtimit të kamionit të parë, Toyota është krenare të njoftojë se ka prodhuar 300 milionë makina deri më sot.
Mundesh me e lexu edhe…
Për gati nëntë dekada, Toyota ka ndërtuar pak më shumë se 180 milionë makina në fabrikat e saj vendase, ndërsa afro 120 milionë janë prodhuar jashtë Japonisë.
Siç pritej, Corolla është modeli më popullor në historinë e kompanisë, me 53.39 milionë automjete të prodhuara. Emri i këtij modeli daton nga viti 1966. Ndërkohë, Corolla krijoi një mori modeleshi, nga sedan dhe hatchback deri te coupes, kohët e fundit crossovers, dhe herë pas here prodhohej edhe një minivan.
Në vitin 2022, kur shpërndau 10.5 milionë automjete në mbarë botën, Toyota ishte prodhuesi më i madh i makinave në botë për të tretin vit radhazi. Për më tepër, RAV4 ishte makina më e njohur vitin e kaluar, sipas të dhënave të publikuara nga JATO Dynamics. /Katror.info
Përgatiti:
