Skuadra kampione e Kosovës, Drita, do të marrë pjesë sot në shortin për fazën e parë kualifikuese të Ligës së Kampionëve.
Klubi nga Gjilani, që drejtohet nga trajneri Zekirija Ramadani, do të jetë në mesin e ekipeve bartëse, çka mund t’i sjellë një kundërshtar më të favorshëm në letër.
Drita pritet të përballet me një nga kampionët e ligave të tjera europiane, mes tyre edhe dy ekipe shqiptare: kampionia e Maqedonisë së Veriut, Shkëndija, dhe ajo e Shqipërisë, Egnatia.
Mundesh me e lexu edhe…
Lista e mundshme e kundërshtarëve përfshin klube si Inter Club d’Escaldes (Andorrë), Levadia (Estoni), Dinamo Minsk (Bjellorusi), Hamrun Spartans (Maltë), Kairat (Kazakistan), Milsami (Moldavi), Differdange (Luksemburg), Iberia 1999 (Gjeorgji), Vikingur (Ishujt Faroe), Shelbourne (Irlandë), dhe Virtus (San Marino).
Shorti do të mbahet në Nyon të Zvicrës në orën 14:00.
Drita ka qenë më parë pjesë e kualifikimeve të këtij kompeticioni. Në përpjekjen e parë kaloi fazën parakualifikuese për t’u ndalur nga Malmö, ndërsa në një tjetër edicion u eliminua zyrtarisht për shkak të COVID-19./Katror.info
