Dua Lipa ka folur për përvojën e saj të shpërnguljes në Londër pasi u largua nga Prishtina, kur ishte vetëm 15-vjeçare.
Dua ka lindur në Londër, meqë prindërit shqiptarë, Dukagjin dhe Anisa Lipa, u larguan nga Kosova për shkak të rrethanave të vështira dhe paqëndrueshmëria politike në Ballkan, Por, Dua dhe familja e saj u rikthyen në Prishtinë pas shpallhes së pavarësisë, në vitin 2008.
Megjithatë, pas disa vitesh, ylli në ngritje vendosi të kthehej me guxim në Britaninë e Madhe vetëm në moshën 15-vjeçare për të ndjekur ëndrrat e saj për t’u bërë një yll i muzikës pop, shkruan DailyMail.
Duke u shfaqur në emisionin e famshëm britanik “The Graham Norton Show”, i cili do të transmetohet të premten, Dua, 29 vjeçe, zbuloi se si ndihej vërtet në kohën kur u rikthye në Londër.
“U ktheva në Londër nga Kosova vetëm kur isha 15 vjeçe sepse kishte më shumë mundësi në muzikë në Londër. Ishte një kohë e mirë”.
E pyetur se si ndihej duke bërë një lëvizje kaq të madhe në një moshë kaq të re, interpretuesja e hitit “Levitating” zbuloi se pavarësisht mungesës së tyre fizike ajo ende ndihej jashtëzakonisht e mbështetur nga familja e saj.
“Jam shumë pranë prindërve të mi, të cilët më besuan shumë, ndaj ndjehesha si jo më mirë. Familja ime më mban për toke në të gjitha çmenduritë”, ka treguar Dua.
Dua u kthye në Britaninë e Madhe në vitin 2014, pasi besonte se duhej të lëvizte nëse donte të depërtonte në tregun ndërkombëtar të muzikës.
Pasi u kthye në Londër, ajo u vendos te një mike e vjetër e familjes në Camden dhe ndoqi shkollën Parlament Hill, ku arriti katër nivele A në Politikë, Psikologji, Anglisht dhe Studime Mediatike.
Pavarësisht distancës, Dua qëndroi pranë familjes dhe nëna e saj madje fluturoi në Londër për mbrëmjet e prindërve.
Krahas shkollës dhe punës së çuditshme të modelimit për ‘ASOS’ dhe ‘Topshop’, adoleshentja po merrte mësime në fundjavë në ‘Sylvia Young Theatre School’, ish-studentët e së cilës përfshijnë emra si: Billie Piper, Amy Winehouse, Rita Ora dhe Keeley Hawes, dhe xhironte ‘cover’ të këngëve pop, të cilat i publikonte në YouTube dhe SoundCloud.
Përfundimisht videot e saj ranë në sy të Ben Mawson në ‘Tap Management’, i cili përfaqëson emra të njohur të muzikës si: Ellie Goulding, Lana Del Rey dhe Leigh-Ann Pinnock të Little Mix.
Kënga e saj origjinale “Hotter Than Hell”, e cila u shfaq në albumin e saj debutues të titulluar me emrin e saj “Dua Lipa”, çoi në nënshkrimin e një kontrate me shtëpinë diskografike me Warner Bros Records në vitin 2014.
Dhe ishte padyshim vendimi i duhur pasi Dua që atëherë ka bërë një turne në botë me një album që është renditur i pari në top-listat e muzikës, ka marrë tri çmime “Grammy” dhe gjashtë çmime “Brit”.
Ajo gjithashtu foli për projektet që po sjell.
“Një album do të dalë së shpejti. Nuk e kam shpallur ende titullin, por një pjesë e madhe e tij do të jetë më organike,” tha Dua duke shtuar se këngët shoqërohen me orkestrim të drejtpërdrejtë.
Bashkë me aktoret fituese të çmimit “Oscar”, Kate Winslet dhe Cate Blanchett, yllin e “Hustle”, Adrian Lester dhe superyllin e popit Justin Timberlake, Dua foli edhe për paraqitjen e saj në filmin “Barbie” të regjisores Greta Gerwig.
Duke bërë shaka ajo tha se “është shumë e sikletshme të flasësh për këtë ndërsa ulesh në një divan me aktorë të mëdhenj legjendarë”.
“Por unë jam shumë krenare për këtë dhe ishte shumë argëtuese”.
Duke folur për kolonën zanore të filmit, “Dance the Night”, ajo tha: “Fillimisht e kompozuam bazuar në atë që na tha Greta për filmin dhe ishim anuar drejt krizës ekzistenciale të kukullës ‘Barbie’ dhe mendimeve për vdekjen. Ishte mjaft e errët”.
“Pastaj ne duhet ta shihnim filmin dhe unë e kisha ndryshuar pak, kështu që vendosëm ta shkruanim këngën si partiturë duke ndjekur lëvizjet e kërcimit. E gjithë kolona zanore është e mahnitshme”, tha Dua Lipa./Katror.info
Përgatiti:
