Dua Lipa iu ka dhënë fund thashethemeve se do të performoje në ceremoninë hapëse të Kupës së Botës në Katar. Të dielën më 20 nëntor 2022 në stadiumin Al Bayt në qytetin Al Khor nis zyrtarisht Kupa e Botës. Para pak kohësh u bë me dije se janë disa këngëtarë që konkurrojnë për të qenë pjesë e cermonisë hapëse, e në mesin e tyre edhe Dua.
Artistja e famshme me prejardhje nga Kosova, Dua Lipa e ka mohuar këtë duke u shprehur se nuk do të performojë dhe as nuk ka qenë e përfshirë në negociata për një gjë të tillë.
“Aktualisht ka shumë spekulime se unë do të performojë në ceremoninë hapëse të Kupës së Botës në Katar. Unë nuk do të performojë dhe as kam qenë ndonjëherë e përfshirë në ndonjë negociatë për të performuar. Unë do të bëj tifo për Anglinë nga larg dhe mezi pres të vizitojë Katarin kur të ketë përmbushur të gjitha premtimet për të drejtat e njeriut që bën kur fituan të drejtën për të mirëpritur Kupën e Botës,” ka shkruar Dua.
Ajo gjendet në Australi në kuadër të turneut “Future Nostalgia”./Katror.info
Përgatiti:
