Organizatori i Sunny Hill Festival, Dukagjin Lipa, e ka adresuar kalimthi problemin me lokacionin e festivalit Sunny Hill.
“Nuk kisha mbetë shumë në atë episod i cili nuk është reflektim i situatës së vërtetë. Na e kemi pasë, në qoftë veç do me reflektu pak më përpara, atëherë mundem me e përmendë që e njëjta kontratë e cila ka qenë kur Shpend Ahmeti ka qenë kryetar, është votu 100 për qind prej Asamblesë Komunale. 100 për qind”, ka thënë Lipa në Rubikon të Klan Kosovës.
“Derisa kur ke Përparimi, e njëjta kontratë, pat telashe të cilat ishin për mendimin tim shumë jovalide, por nuk ka qenë ai problemi pse ne jemi dashtë me shku në Tiranë në vitin 2022”, ka shtuar ai.
Mundesh me e lexu edhe…
“Dashnia jem për vendin tem është shumë ma e madhe se një lajthitje në mes të politikanëve”, theksoi Lipa.
Tutje, ai potencoi se pavarësisht ndryshimeve potenciale momentale, Sunny Hill i takon Prishtinës,
“Kështu që vendimi për me u kthy në Prishtinë nuk ka qenë i vështirë, mirëpo premtimi që ia bëmë Tiranës, na nuk mundemi me u kthy prapa, kështu që përfundum me dy festivale, një në Prishtinë, një në Tiranë, por ai ka qenë një event i vetëm që e kemi mbajtë në Tiranë, edhe normalisht Sunny Hill Festival i takon Prishtinës”, tha ai.
Ndryshe, themeluesi i Festivalit Sunny Hill, Dukagjin Lipa ka folur sot gjatë ditës në media tjera në detaje lidhur me përgatitjet.
Ai ka ritheksuar se të enjten, 25 korrik, me fillim nga ora 14:00 fillon festa në një hapësirë tashmë të përhershme. Lipa thotë se vendi tashmë është bërë një park dhe ka disa skena.
Festivali tashmë ka bërë të ditur emrat e pothuajse të gjithë artistët që do të performojnë. Në mesin e tyre janë yjet si: Bebe Rexha, Stormzy, Burna Boy, Black Coffee, Dj Snake, Tomy Gold, The Blaze, AntsLive, The Martinez Brothers, Chloe Calliet, My Gal, Lancey, Kamal etj.
Nuk mungojnë as artistët vendas që tashmë kanë bërë famë si: Yll Limani, Dafina Zeqiri, Dhurata Dora, Ledri Vula, Kresha & Lyrical Son, Llafazani, Capital T, Mozzik e të tjerë bashkë me disa emra të ri të skenës si: Elsa Mala, Milk Snatchers, Bleta Përtace etj.
Edicioni i sivjetmë mbahet prej 25 –28 korrik në Bërnicë të poshtme në Sunny Hill Park. /Katror.info
Përgatiti:
