Dy kosovarë dhanë një kontribut jetik për komunitetin ku jetojnë në Suedi këtë fundjavë. Ata i shpëtuan jetën një personi që ra në ujë.
Kur po ktheheshin në shtëpi nga turni i tyre i punës, rojet e sigurisë Gjelal Mulaj dhe Aziz Berisha panë një të ri të dehur, teksa disa sekonda më vonë ai ra në ujë. Pas një përpjekjeje dramatike, ata më në fund arritën ta shpëtonin burrin.
“Nuk do të ngrihej dot vetë”, tha kosovari Aziz Berisha për mediat suedeze.
Mundesh me e lexu edhe…
Aziz Berisha dhe Gjelal Mulaj sapo kishin përfunduar turnin e tyre si roje sigurie në Värnamo dhe ishin nisur për në shtëpi. Por udhëtimi për në shtëpi papritmas mori një kthesë të papritur.
Në orën tre e gjysmë, natën e së shtunës, ata shohin një të ri të dehur në urën e këmbësorëve mbi lumin Lagan. Por, në vend që të vazhdojë të ecë mbi urë, ai devijohet drejt ujit të ftohtë dhe të vrullshëm, përcjell Gazeta Express.
Ndërsa Azizi telefonon emergjencën, Gjelali nxitoi drejt ujit. Por, meqë ishte errësirë kur arrin buzë lumit nuk mund ta shihte më personin.
“Mendova se duhet të hidhesha brenda. Ndaj I hoqa pajisjet e mia dhe sapo zbërtheva jelekun, e pashë se si po del nga uji”, thotë ai.
“Ia kapa gishtat dhe e tërhoqa drejt meje. Sapo ma kapi dorën, nuk ma lëshoi më. Mund të them se ishte në panik”, shprehet ai.
Gjelali e nxit burrin të përpiqet të ndihmojë me gjithë forcën që ka. Dhe më në fund Gjelal arrin ta nxjerrë nga lumi.
“Nuk e di nga e kam marrë forcën. Ai ishte edhe i rëndë edhe i lagësht”, thotë ai.
Më pas, si Gjelali ashtu edhe Azizi janë vlerësuar për veprimin e shpejtë dhe të vendosur. I riu i dehur është dërguar në polici.
“Ndihem mirë që mundëm të shpëtonim një jetë. Ndihemi krenarë, kemi punuar disa vite në këtë profesion dhe duam të ndihmojmë njerëzit në situata të ndryshme”, thotë Azizi./Katror.info
Përgatiti:
