Kosova ka shënuar një sukses të madh në Kampionatin Evropian të Karatesë, duke fituar dy medalje të bronzta. Ekipi i vajzave të përbërë nga Fortesa Orana, Vlera Qerimi, Behije Mustafa dhe Elmedina Istogu, i udhëhequr nga trajneri Isak Curri, tregoi guxim dhe përkushtim të jashtëzakonshëm, duke mposhtur radhazi Armeninë, Spanjën, Ukrainën dhe Greqinë në garën për medalje, shkruan Katror.info.
Kjo është medalja e dytë e bronztë për Kosovën në këtë kampionat, pas asaj të fituar një ditë më parë nga karateisti Betim Maliqi. Ministri i Kulturës, Rinisë dhe Sportit, Hajrulla Çeku, e cilësoi këtë një përfaqësim të denjë të shtetit dhe një arritje të madhe për sportin kosovar./Katror.info
Përgatiti:
