Teknologjia është një nga ato degë që nuk po ecën kurrë prapa dhe nuk po ndalon asnjëherë. Gjithmonë ka risi dhe këtë herë bëhet fjalë për Alpine Alpenglow, një makinë garash që prezanton të ardhmen.
Alpenglow është një makinë garuese me një ulëse që fuqinë e merr nga një motor me djegie hidrogjeni, dhe është një shenjë e qartë se Alpine është përkushtuar ndaj një të ardhmeje pa karbon dhe pa emetim, por jo domosdoshmërisht ndaj një të ardhmeje vetëm elektrike.
Emri ‘Alpenglow’ është marrë nga shkëlqimi me ngjyrë të kuqe nga malet pak para lindjes së diellit – thuhet në deklaratën zyrtare të lëshuar për shtyp.
Mundesh me e lexu edhe…
Modulet e poshtme kanë dy rezervuarë hidrogjeni prej 700 barëve, dhe motori djegës është i vendosur pas shoferit. Alpenglow është 5 metra e gjatë, 2 metra e gjerë dhe vetëm 1 metër e lartë.
Dritat e përparme janë dizajnuar për t’i ngjasuar një komete e cila po futet në atmosferën e Tokës me njolla të vogla të dritës duke u sjellë anash saj, ndërsa dritat e pasme janë me ngjyrë të kaltër për të nënkuptuar shtytjen e hidrogjenit.
Kur bëhet fjalë për kabinën, nuk mund të thuhet shumë për të. Një ulëse e vetme garuese me veshje gjithashtu garuese, timon me butona për tejkalim, kontroll piste, frenim regjenerues dhe me dy pedale. Makina ka ngjyrë Alpine Blue pasi që duket se asnjë ngjyrë tjetër mund t’i përshtatej më shumë.
Alpine insiston se këtë makinë mund ta shohim edhe në rrugët normale, por kjo i përket një të ardhme më të largët.
Përgatiti:
