Iniciativa e “Shkollës Shqipe” në Zvicër, nga njëra shkollë te tjetra, nga njëri kanton te tjetri, po vazhdon ta shtoj interesimin e prindërve shqiptarë dhe të nxënësve po ashtu për t’i ndjekur mësimet në gjuhën amtare.
Të hënën, më 24 tetor 2022, i hapi dyert edhe një pikë shkollore shqipe në Rümlang të Zyrihut.
Kjo është dëshmi e pikës shkollore në Rümlang të Zyrihut dhe dhjetëra pikave shkollore, ku prindër dhe mësues u bënë bashkë me qëllim që të hapet pika shkollore sa më afërm këtyre fëmijëve, të cilët jetojnë dhe i vijojnë mësimet në shkollën e vendit në këtë rajon, shkruan Vaxhid Sejdiu për Albinfo.ch
Mundesh me e lexu edhe…
Mësimi zhvillohet çdo të hënë, nga ora 16:00 -18:30, ku Medini, Burhani, Jora, Aroni, Alisa, Xhensila, Saranda, Rejhani, Sara, Almini, Lorisi, Rinesa, Lea, Selina dhe Era u bëjnë thirrje edhe bashkëmoshatarëve të tjerë t’iu bashkëngjiten në orët mësimore të gjuhës shqipe.
Klasa ku zhvillohej mësimi në gjuhën shqipe i ngjasonte një çerdheje të vogël në vendlindje.
Në fytyrat e prindërve shihej qartë gëzimi, se tani fëmijët e tyre jo vetëm që do të mësojnë edhe shqip, por edhe e kanë afër shkollën shqipe.
Gatishmërinë e tyre për një bashkëpunim sa më të afërt e treguan edhe në mbledhjen e prindërve në mbrëmjen e kësaj të hëne, ku ata vullnetarisht zgjodhën edhe kryetaren e Këshillit të prindërve, znj. Burbuqe Elmazi, e cila së bashku me prindërit e tjerë do të angazhohen jo vetëm në rritjen e numrit të nxënësve, por edhe rreth aktiviteteve të lira./Katror.info
Përgatiti:
