Vedat Muriqi e ka rikthyer formën e mirë pas një starti të dobët në La Liga.
Sulmuesi kosovar humbi dy penallti radhazi, por ato tani janë harruar dhe është rikthyer duke shënuar katër gola e duke asistuar në dy të tjerë në nëntë ndeshjet e para.
Por te Mallorca vazhdojnë mos të jenë të qetë për yllin kryesor të tyre i cili po pëlqehet nga klubet e mëdha.
Mundesh me e lexu edhe…
Mediat e ndryshme spanjolle kanë raportuar ditë më parë se Atletico Madrid po dëshiron transferimin e kosovarit në janar.
Todo Fichajes tani ka njoftuar se përveç Atleticos, në garë për transferimin e Muriqit është përfshirë edhe Sevilla.
Klubi andaluzian po kalon nëpër një krizë financiare dhe pritet t’i shes disa nga yjet e skuadrës si sulmuesit Rafa Mir, Dodi Lukebakio dhe Youssef En-Nesyri.
Muriqi shihet si përforcimi ideal i Sevillës për repartin ofensivë me sulmuesin prizrenas që tani është ambientuar në mënyrë fantastike në La Liga dhe do të ishte një përforcim i madh për skuadrën andaluziane.
Megjithatë nuk do të jetë aspak lehtë për Sevillën transferimi i reprezentuesit kosovar, pasi Mallorca e vlerëson atë mbi 20 milionë euro./Katror.info
Përgatiti:
