Forumi i Paqes në Pejë ka nderin e veçantë të mirëpres Gjeneralin Wesley Clark, heroin, çlirimtarin dhe simbolin e mbështetjes Amerikane në luftën kundër spastrimit etnik të vendit tonë.
Gjenerali Wesley Clark si Komandant Suprem i Forcave Aleate të NATO-s udhëhoqi forcat e NATO-s për çlirimin e Kosovës, në një fushatë ajrore 78-ditore, e mbështetur nga planifikimi i pushtimit tokësor dhe një proces diplomatik, duke shpëtuar 1.5 milion shqiptarë nga spastrimi etnik. Kjo ndërhyrje detyroi forcat serbe të Slobodan Millosheviqit të tërhiqeshin nga Kosova dhe i dha fund okupimit serb të Kosovës.
Ne i shohim veprimet e Gjeneralit Clark jo vetëm si një operacion ushtarak strategjik, por si një angazhim moral për të mbrojtur jetën dhe dinjitetin njerëzor. Veprimet e Gjeneralit Clark i dërguan një mesazh të qartë botës se “Paqja është një angazhim moral”.
Mundesh me e lexu edhe…
Që nga pas lufta, Gjenerali Clark ka mbajtur një raport të qëndrueshëm me komunitetin shqiptaro-amerikan dhe ka vizituar Kosovën disa herë, duke promovuar pavarësinë e saj dhe integrimin ndërkombëtarë të vendit tonë në Bashkimin Evropian dhe në NATO.
Trashëgimia e Gjeneralit Clark është çimentuar në komunitetet shqiptare. Shumë fëmijë në Kosovë mbajnë emrin e tij. Në 10 Vjetorin e Pavarësisë së vendit tonë ai është Dekoruar me Medaljen Presidenciale dhe shumë dekorata dhe mirënjohje nga qytete dhe Univerzitete të Kosovës kanë shprehur falënderimin për Gjeneralin Clark.
Për ne shqiptarët, emri i Gjeneralit Wesley Clark është sinonim i lirisë dhe mbështetjes që mundësoj krijimin e një Kosove të pavarur dhe demokratike.
Forumi i Paqes në Pejë falënderon Gjeneralin Clark për pranimin e ftesës për të ndarë përvojën e tij shumëvjeçare me pjesëmarrësit e Forumit dhe kontribuar në ndërtimin e paqes së qëndrueshme në këtë pjesë të rëndësishme për Evropën dhe botën.
Për të përcjellur punimet e forumit dhe fjalimin e Gjeneralit Wesley Clark me 5 Nëntor, 2025, regjistrohuni në: Peja Peace Forum – Building Trust and Understanding in a Fluctuating World
/Telegrafi/Katror.info
