KPP Priping një nga promovuesit më të mëdhenj të sportit të pingpongut në rajon, ka zbuluar logon e re, për turneun prestigjioz “Prishtina Open 2024”. Ky veprim simbolizon jo vetëm rritjen dhe zhvillimin e klubit, por edhe përkushtimin e Priping ndaj promovimit të pingpongut si një sport të dashur për të gjithë.
Lansimi i logos së re të Prishtina Open 2024 u bë sot përmes kanaleve zyrtare të klubit të pingpongut Priping. Logoja, e cila përfaqëson një kombinim të qendrës sportive “Pallati i Rinisë” ku edhe do të mbahet turneu nderkombëtar dhe tabelës së pingpongut përmes dinamizmit, reflekton vlerat dhe aspiratat e Klubit “Priping” dhe turneut “Prishtina Open”. Me ngjyrat e kryeqytetit dhe dizajn modern, logoja simbolizon unitetin dhe pasionin për sportin e pingpongut, duke ofruar aktivitet sportive në frymën evropiane në Prishtinë.
Turneu “Prishtina Open 2024” pritet të jetë një ngjarje e rëndësishme në kalendarin sportiv kur Prishtina këtë vit është edhe “Qytet Evropian i Sportit” dhe jo vetëm si një platformë për sportistët për të demonstruar aftësitë e tyre, por edhe si një mundësi për të promovuar Prishtinën si qytet evropian dhe një event për bashkim dhe këmbim kulturor. Organizatorët besojnë që logoja e re do të bëhet një simbol i njohur që përfaqëson shpirtin e garës dhe miqësinë që karakterizon “Prishtina Open”.
Mundesh me e lexu edhe...
Me këtë hap, Klubi i Pingpongut Priping vendos një standard të ri për organizimin e eventeve sportive në Kosovë, duke u bërë një shembull i përkushtimit ndaj ekselencës dhe zhvillimit të sportit. Fansat e pingpongut dhe pjesëmarrësit tani kanë edhe më shumë arsye të presin me padurim turneun “Prishtina Open 2024”, i cila pa dyshim do të jetë një ngjarje e paharrueshme për të gjithë ata që do të jenë pjesë e saj./Katror.info
Përgatiti:
