Rritja e tregtisë së jashtme, ka bërë një rrugë të gjatë për të mbështetur shifrën më të lartë të PBB-së. Megjithatë, pavarësisht rënies së inflacionit, konsumatorët gjermanë mbeten të kujdesshëm kur bëhet fjalë për shpenzimet.
Vlerësimi përfundimtar për raportin tremujor të prodhimit të brendshëm bruto (PBB) të Gjermanisë, për tremujorin e parë 2024, zbuloi se PBB-ja u rrit me 0.2%, sipas Zyrës Federale të Statistikave. Kjo ishte një rritje, nga -0.5% e tremujorit të kaluar dhe në përputhje me vlerësimet e analistëve.
Kjo rritje erdhi kryesisht, si pasojë e rritjes së formimit të kapitalit fiks bruto, i cili u rrit në 1.2% në tremujorin e parë të vitit, nga -2.1% në TM4 2023, i nxitur kryesisht nga përparimet në investimet në ndërtim.
PBB-ja vjetore, arriti në -0.2% në tremujorin e parë të 2024, e cila ishte e njëjtë me tremujorin e mëparshëm, si dhe në përputhje me pritjet e tregut.
Mundesh me e lexu edhe...
Përmirësimi i tregtisë së jashtme gjithashtu, kontribuoi ndjeshëm në këtë numër, ku eksportet u rritën me 1.1% në tremujorin e parë 2024, nga -0.9% në tremujorin e mëparshëm dhe importet, u rritën me 0.6%, një rritje nga -1.6% e parë në tremujorin e fundit.
Inflacioni arriti në 2.2% në prill 2024, i njëjti numër me marsin, dhe në rënie nga 2.5% e shkurtit. Kjo mund të jetë një shenjë inkurajuese, për ekonominë më të madhe të Europës, pasi inflacioni po kthehet gradualisht drejt objektivit prej 2%, të Bankës Qendrore Europiane (BQE).
Ruth Brand, presidente e Zyrës Federale të Statistikave, tha në një deklaratë: “Norma e inflacionit ka qenë nën tre për qind, që nga fillimi i vitit. Çmimet e energjisë dhe ushqimeve në veçanti, kanë pasur një efekt frenues në normën e inflacionit, që nga janari 2024.
“Megjithatë, inflacioni bazë, i matur si ndryshimi i indeksit të çmimeve të konsumit, duke përjashtuar ushqimet dhe energjinë, ka qenë më i lartë se inflacioni i përgjithshëm, që nga fillimi i vitit.”
Megjithë rënien e inflacionit, shpenzimet konsumatore nuk janë rritur aq sa pritej, me konsumin privat dhe shpenzimet qeveritare, që të dyja ranë me 0.4%.
Kjo ka të ngjarë të jetë, për shkak se shumica e konsumatorëve, janë ende të kujdesshëm në lidhje me efektet e vazhdueshme të normave më të larta të interesit dhe pasigurisë ekonomike, të cilat kanë pllakosur Gjermaninë për disa muaj.
A po rimëkëmbet më në fund ekonomia gjermane?
Në muajt e fundit, ekonomia gjermane është përballur me disa sfida të tilla, si një krizë e përkeqësuar e pronave, greva e linjave ajrore dhe një ekonomi e dobët. Megjithatë, ky raport i fundit i PBB-së, mund të sinjalizojë një pikë kthimi.
Sipas KPMG, “Vlerësimi i qeverisë gjermane, për perspektivën ekonomike për Gjermaninë, është pak më i mirë se në fillim të vitit. Parashikimi për rritjen ekonomike këtë vit, u rrit me 0.1% në 0.3% në projeksionin pranveror.
“Rënia e çmimeve të energjisë, normat më të ulëta të inflacionit, lehtësimi i politikës monetare dhe rimëkëmbja e ekonomisë globale, nga e cila po përfiton ekonomia gjermane, e orientuar nga eksporti, duhet të sigurojnë një rimëkëmbje, si për familjet private ashtu edhe për industrinë. Konsumi privat në veçanti, i cili nxitet nga rritja e pagave reale dhe një treg i qëndrueshëm i punës, pritet të japë një shtysë të rëndësishme për rritje.
“Megjithë sinjalet pozitive, problemet strukturore mbeten. Qeveria gjermane, duhet të vazhdojë të punojë në forcimin e Gjermanisë, si një vend për të bërë biznes, në mënyrë që të arrijë, një rritje më të lartë përsëri në afat të mesëm dhe afatgjatë”. (Euronews)
Përgatiti:
