Elena Ora, motra e madhe e këngëtares së famshme botërore me prejardhje nga Kosova, Rita Orës, është forca e fshehtë lëvizëse e famës globale të Ritës.
Mediat britanike, shpesh i kanë kushtuar artikuj të veçantë Elenës, duke shkruar se kur bëhet fjalë për famën, superylli Rita Ora ka një atu – motrën e saj të madhe. “Disa vëllezër e motra mund të jenë xhelozë për famën globale të këngëtares dhe pasurinë në rritje, por jo e përkushtuara Elena. Motrat janë bërë një ekip i mrekullueshëm – që ndajnë një etikë të fortë pune, talent, ambicie dhe pamje mahnitëse,” ka shkruar Mirror.
Për Elenën thuhet se është arma sekrete e yllit 32-vjeçar që e ka udhëhequr ngjitjen e saj drejt top-listave dhe suksesit televiziv.
Elena ishte vetëm 18 vjeç kur prindërit shqiptarë të Ritës, të cilët ishin rritur në Kosovë, vendosën se ajo do t’i përshtatej më shumë rolit se ata, sepse ajo kishte qenë në shkollë në Mbretërinë e Bashkuar.
Si edhe motrat, dyshja janë mikesha më të mira dhe rrallëherë ndahen. Elena shkon në turne me Ritën në të gjithë globin dhe ato shpërndajnë rregullisht foto në Instagram dhe të dyve u pëlqen të pozojnë për selfie seksi.
Elena do të jetë pjesë konferencës së parë të muzikës në Kosovë dhe rajon, “Prishtina Music Conference”, që mbledh ekspertë të industrisë muzikore nga vendi e bota për të edukuar, inspiruar, dhe për t’u takuar me entuziastë të muzikës.
Edhe këtë vit, “Prishtina Music Conference” u rikthye si një ngjarje dyditore mbajtur në kino “Armata” në Prishtinë. Kjo ngjarje gjithashtu ofrohet si një mundësi e mirë për t’u rrjetëzuar, dhe si frymëzim përmes diskutimeve në panel, prezantimeve, ekspozitave, seminareve e masterklasave rreth muzikës dhe kompleksiteti të saj si veprimtari.
Ndërkaq dita e dytë e “Prishtina Music Conference” fillon me një bisedë me Visar Kuçin e titulluar “Brenda violinës”. Pjesë e programit të këtij edicioni janë dhe tema të cilat përbëjnë aktualitet, njëra ndër to është dhe diskutimi me Besa Luzhën, Edon Ramadanin, Hajrulla Çekun e Rreze Kryeziun rreth institucionit të operës në Kosovë, e titulluar “Ku janë institucionet? Inskenimi i parë i operës kosovare”. Diskutimet e ditës së dytë të Konferencës do të përfundojnë me bisedën e Elena Orës, “Throw Your Hands in the Air If You Want it Right Now – and Forever”.
Konferenca do të përmbyllet fillimisht me performancën e mjeshtrit të perkusioneve, marokienit Rhani Krija, për t’i hapur rrugë pastaj “RAVE Festival” i cili fillon të shtunën në mbrëmje e vazhdon deri në orët e mëngjesit të së dielës me artistët e kërkuar të industrisë ndërkombëtare si “Quest”, “Gabbs”, “Studio17” dhe “Dajku Twins” dhe artisti i mirënjohur lokal “Pumio Space”./Katror.info
Përgatiti:
