Eliot Bujupi, një nga talentet më të mëdhenj të futbollit kosovar, ka qenë në qendër të vëmendjes në grumbullimin e fundit të Kombëtares së Kosovës për dy ndeshjet kundër Rumanisë dhe Qipros.
Ai e nisi edicionin me performancë mbresëlënëse në Stuttgart U19, derisa bëri debutimin e tij me Kombëtaren e Kosovës në fitoren 4:0 ndaj Qipros.
Në një intervistë, Bujupi ka ndarë ndjenjat e tij rreth paraqitjes së parë në fanellën dardane dhe pritjen që i është bërë në kampin e Dardanëve.
Mundesh me e lexu edhe…
Ai është shprehur i lumtur për mënyrën se si u prit nga bashkëlojtarët dhe stafi në Kombëtaren e Kosovës.
“Të gjithë, nga bashkëlojtarët deri te stafi, më pritën shumë mirë dhe u ndjeva shumë rehat që në fillim të grumbullimit të parë”, ka thënë Bujupi, e që sipas tij kjo mbështetje ka qenë thelbësore për integrimin e tij të shpejtë në ekip.
Në lidhje me atmosferën në kampin e Kosovës, Bujupi po ashtu është shprehur shumë pozitiv. “Atmosfera për mua ka qenë shumë e mirë dhe kushtet kanë qenë të shkëlqyera. Kemi kushte shumë të mira për punë”, tha ai për Futbolli.info.
Për Bujupin, përfaqësimi i Kosovës është një ndjenjë shumë e veçantë. Ai e përshkruan këtë moment si një ëndërr të realizuar: “Për mua është shumë e veçantë të përfaqësoj vendin tim—një ëndërr që është realizuar për mua dhe familjen time. Jam krenar që përfaqësoj vendin tim dhe që e veshi këtë fanellë”, tha tutje Bujupi./Katror.info
