Në gjithë botën po hapen miliona vende të reja pune në industrinë e shfrytëzimit të energjisë diellore.
Një ndër to është edhe firma René Hegel, e cila monton panele diellore në Gjermani dhe dëshiron të punësojë punonjës të tjerë pas rritjes së kërkesës.
Se në industrinë solare nevojiten gjithnjë e më shumë punëtorë, thekson edhe Günther Haug, menaxher në BayWa r.e.
Mundesh me e lexu edhe…
Kompania me seli në Mynih ndërton parqe të mëdha për energjinë e diellit dhe të erës në të gjithë botën dhe ajo po zgjerohet. Në vitin 2017 kishte 1100 punonjës, kurse sot ka 2.700.
Në vitin 2019 në mbarë botën rreth 11.5 milion vetë punonin në fushën e energjisë së rinovueshme, më shumë se një e treta e tyre në industrinë e shfrytëzimit të energjisë diellore. Kështu thuhet në një raport i Agjencisë Ndërkombëtare të Energjisë së Rinovueshme (IRENA).
Momentalisht në gjithë botën janë instaluar impiante solare me një kapacitet të përgjithshëm prej rreth 850 GW. Ata prodhojnë energji elektrike sa rreth 190 centrale bërthamorë.
Energjia diellore është momentalisht më e lira, kështu që studiuesit presin që ajo të zërë vend si burimi më i rëndësishëm i energjisë në botë.
Për këtë në dekadën e ardhshme industrisë do t’ì duhen më shumë se 60 milion punonjës për prodhimin e moduleve, montimin dhe mirëmbajtjen e panele diellore.
Përgatiti:
