Edhe pse kjo qendër tregtare u konceptua si një parajsë tregtare luksoze, që kur u hap në vitin 2005, ajo ka qenë kryesisht e zbrazët, që do të thotë se 99 për qind e kapacitetit të saj është bosh.
South China Mall në qytetin kinez Dongguan konsiderohet qendra më e madhe tregtare në botë. Më saktësisht, qendra tregtare me sipërfaqen më të madhe të ambienteve të disponueshme me qira, gati 660,000 metra katrorë hapësirë që mund të strehojë më shumë se 2,300 dyqane.
Dubai Mall është më i madh në sipërfaqe ka më shumë se një milion metra katrorë hapësirë, por përfshin gjithashtu objekte të tjera, si një hotel, një kopsht zoologjik dhe një park tematik, dhe që nga ky vit një lojtar tjetër gjigant është shfaqur në hartë, ndoshta papritur, në Teheran. Iran Mall me të gjitha objektet shtesë është më i madh në sipërfaqe se Shout China Mall dhe Dubai Mall së bashku.
Arkitektët projektuan South China Mall si një vend me shtatë zona ndërkombëtare, duke imituar Amsterdamin, Parisin, Romën, Venedikun, Egjiptin, Karaibet dhe Kaliforninë. Qendra përfshin një kopje 25 metra të lartë të Harkut të Triumfit, kambanores së Bazilikës së St. Marco nga Venecia, por edhe një kanal me gondola dy kilometra të gjatë. Mendohej se qendra do të tërhiqte rreth njëqind mijë vizitorë çdo ditë.
Edhe pse South China Mall është parashikuar si një parajsë e blerësve, që kur u hap në 2005, ajo ka qenë kryesisht bosh, që do të thotë se 99 për qind e kapacitetit të saj është bosh. Janë dhënë me qira vetëm ambjentet afariste pranë hyrjes kryesore të qendrës dhe në to ka zinxhirë të ushqimit të shpejtë perëndimor.
Shumë besojnë se South China Mall është një projekt i konceptuar keq i ndërtuar në vendin e gabuar. Përkatësisht, pronarët e Dongguan Sanyuan Yinghui Investment & Development donin ta përdornin atë për të tërhequr klientelë të pasur nga qytetet e mëdha si Guangzhou dhe Shenzhen, por ata e vendosën atë në një qytet në provincën qendrore të Guangdong.
Në vitin 2015, qendra pësoi një sërë ndryshimesh, dhe butikët dhe restorantet me çmime më të përballueshme për produkte dhe shërbime filluan të hapen masivisht. Edhe pse në pesë vitet e fundit qendra është vizituar nga më shumë njerëz se kurrë më parë, informacioni vazhdon të qarkullojë sesi objektet e saj janë gjysmë bosh.
Zona më e vizituar është një kinema me ekran 3D. /Katror.info
Përgatiti:
