Më shumë se një e treta e popullsisë së botës është në Facebook, mirëpo platforma ende i druan së ardhmes së saj. Facebooku thotë se nuk ka “vdekur”. Gjigandi i mediave sociale dëshiron gjithashtu që ta dini se nuk është vetëm për “të moshuarit”, siç kanë thënë të rinjtë prej vitesh.
Tani, me therën më të madhe në krah – TikTok-un – përballë një kontrolli të shtuar të qeverisë mes tensioneve në rritje midis Shteteve të Bashkuara dhe Kinës, Facebooku mund, ndoshta, të pozicionohet si një alternativë e qëndrueshme, e strukturuar në vend.
Ekziston vetëm një problem: të rinjtë si Devin Walsh kanë ecur përpara.
Mundesh me e lexu edhe…
“Nuk e mbaj mend as herën e fundit kur jam regjistruar. Duhet të ketë qenë vite më parë”, ka theksuar Walsh, 24 vjeçe, e cila jeton në Manhattan dhe punon në marrëdhëniet me publikun.
Në vend të kësaj, ajo përdor Instagramin, i cili është gjithashtu në pronësi të kompanisë mëmë të Facebookut, Meta, rreth pesë ose gjashtë herë në ditë. Pastaj është TikToku, natyrisht, ku ajo shpenzon rreth një orë çdo ditë duke e lënë algoritmin të gjejë gjëra “për të cilat as që e dija se isha e interesuar”.
Walsh nuk mund ta imagjinojë një botë në të cilën Facebooku, të cilit iu bashkua kur ishte në klasën e gjashtë, të bëhet sërish pjesë e rregullt e jetës së saj.
“Është çështje brendi, apo jo? Kur mendoj për Facebookun, mendoj se oh, si disi që më duket i rremë, njerëz të moshuar, si prindërit që postojnë foto të fëmijëve të tyre, përditësime të rastësishme të statusit dhe gjithashtu njerëz që luftojnë për çështje politike”, ka theksuar Walsh.
Platforma e dikurshme e mediave sociale, e krijuar para iPhone, po u afrohet dy dekadave të ekzistencës. Për ata që u rritën në kohën kur Mark Zuckerberg nisi thefacebook.com nga dhoma e tij e konviktit në Harvard në vitin 2004, ai është futur në mënyrë të pandashme në jetën e përditshme – edhe nëse është zbehur disi në sfond me kalimin e viteve.
Facebooku përballet me një sfidë veçanërisht të çuditshme. Sot, tre miliardë njerëz e kontrollojnë atë çdo muaj. Më shumë se një e treta e popullsisë së botës. Dhe dy miliardë kyçen çdo ditë. Megjithatë, e gjen veten në një betejë për rëndësinë dhe të ardhmen e vet, pas dy dekadash ekzistence./Katror.info
Përgatiti:
