Festivali i njohur Bloodstock po zhvillohet në fermën e Catton Hall, Walton-on-Trent, nga e enjtja deri të dielën, duke tërhequr çdo vit rreth 20,000 pjesëmarrës.
Në edicionin katër ditor të këtij viti, festivali i dedikohet Ozzy Osbourne me një banderolë gjigande prej 17 metrash pranë skenës kryesore, ku fansat mund të lënë mesazhe ngushëllimi.
Drejtoresha e festivalit, Vicky Hungerford, tha se fansat e metalit janë në zi, duke shtuar: “Dua që njerëzit të tregojnë respekt dhe të lënë mesazhet e tyre. Humbja ka goditur komunitetin e metalit shumë rëndë”.
Mundesh me e lexu edhe…
Gjatë festivalit janë planifikuar disa homazhe për legjendën e metalit nga Birmingham-i. Mes tyre do të ekspozohet një motor i personalizuar Black Sabbath.
“Ozzy ishte një prej nesh, themeluesi i rëndësishëm i heavy metal-it,” tha ajo. “Pa Ozzy-n, pa Lemmy-n, sot nuk do të kishim grupet që njohim”.
Fansat kanë shkuar masivisht për të shkruar mesazhet e tyre në banderolën dedikuar frontmenit të Black Sabbath.
Një prej tyre shkruante: “Faleminderit Ozzy që ndihmove të krijohet feja që është heavy metal-i. Na mungon”.
Për argëtim shtesë janë organizuar lojëra si karroca të lëvizshme, gara ushqimesh dhe “bin-jousting” – një sfidë ku kundërshtarët përplasen duke u mbështetur në kapakët e koshave të mbeturinave.
Një imazh i Ozzy Osbourne-së me mbishkrimin “Birmingham do të të dojë përjetë” ka qenë gjithashtu pjesë e kujtimit nga mijëra njerëz që u mblodhën në funeralin e tij muajin e kaluar./Katror.info
