Teatri Kombëtar i Kosovës ka njoftuar se nesër (e enjte) dhe pasnesër në orën 20:00 jep shfaqjen “Fausti” me regji nga Fadil Hysaj.
Së këndejmi, në njoftim thuhet se kjo shfaqje është bashkëprodhim me Teatrin Kombëtar të Kosovës, teatrin e qytetit të Gjilanit dhe Teatrin “Bekim Fehmiu” – Prizren.
“Pasi Fausti kupton se ka shpenzuar jetën në kërkim të dijeve më të larta, është i gatshëm t’i shesë shpirtin Mefistos në këmbim të 30 viteve jetë, të cilat do të dëshironte t’i përdorte për ta përjetuar dashurinë e munguar dhe mundësinë për të lëvizë në kohëra dhe hapsësira të tjera që ta ngopë kureshtjen e tij të pafundme. Por, në jetën që fiton në këmbim, Fausti bëhet pjesë e një bote të shfrenuar e mizore, në të cilën shpirti shitet dhe këmbehet për synime shumë më të ulëta se ato të Faustit…”, thuhet në njoftimin e TKK-së.
Mundesh me e lexu edhe...
Në këtë shfaqje do të luajnë aktorët/et: Shkelzen Veseli, Adrian Morina, Xhevdet Doda, Beslidhje Bytyqi, Aurita Agushi, Shpetim Kastrati, Kushtrim Qerimi, Sheqerie Buqaj, Liridona Shehu, Ali Demi, Alban Krasniqi, Zana Berisha, Emine Toska, Rifat Smani, Valmira Hoti, Mejreme Berisha, Alban Morina.
Përgatiti:
