Për të shtatin vit radhazi, sheshi i qytetit të Lezhës kthehet në qendrën festive të verës.
“Festë n’shpi” është aktiviteti i organizuar nga Bashkia e Lezhës, ku përgjatë dy javëve të para të gushtit artistë të shumtë do të ngjiten në skenë për të dhuruar spektakël për të pranishmit.
I konceptuar si një event që bashkon banorët, emigrantët e kthyer në vendlindje, por edhe turistët e shumtë nën një atmosferë festive “Festë n’shpi”, që gjallëron çdo natë mbrëmjet në Lezhë, përcjell GazetaTema.
Mundesh me e lexu edhe…
Mbrëmjen e djeshme për spektatorët që kishin mbushur Sheshin “Gjergji Kastrioti”, të Lezhës performoi Elgit Doda, një tjetër zë i njohur i muzikës shqiptare.
Artistë të shumtë do të ngjithen në skenën e madhe të sheshit “Gjergj Kastrioti” thuajsë çdo natë, për ti dhënë tjetër ritëm këtij sezoni turistik veror. Ronela Hajati, Anxhela Peristeri, Shkelzen Jetishi, Soni Malaj, Xhensila Myrtezaj, Irma & Eranda Libohova, Mateos Frroku, Fabion Baruni, Spektakli Portokalli, artistët lezhjanë dhe të ftuar të tjerë do të mbajnë të ndezur atmosferën gjatë 14 ditëve festë.
Sonte do të performojë këngëtari Shkelzen Jetishi (Xeni), duke filluar nga ora 20:00. Festa do të kulmojë më 15 gusht, Ditën e Shtegtarit, e do t’u dedikohet emigrantëve./Katror.info
