Federata e Futbollit e Kosovës (FFK) ka shënuar një moment të rëndësishëm në historinë e zhvillimit të futbollit të femrave duke organizuar për herë të parë një kurs të veçantë për trajneret e reja, në përputhje me standardet e Konventës së Trajnerëve për Licencën C, të financuar nga FIFA, shkruan Katror.info.
”Pas një periudhe disa mujore me ligjërata dhe trajnime, sot është finalizuar puna me shpërndarjen e licencave për 30 vajza të reja, të cilat në të ardhmen synojnë ta ushtrojnë profesionin e trajnereve të futbollit”, thuhet në njoftim.
Ceremonia e ndarjes së licencave u zhvillua në praninë e presidentit të FFK-së, Agim Ademi, ushtruesit të detyrës së sekretarit të përgjithshëm, të FFK-së Markus Weidner, dhe shefes së Departamentit të Edukimit, Sanije Krasniqi, të cilët vlerësuan angazhimin dhe përkushtimin e pjesëmarrëseve gjatë gjithë procesit të trajnimit./Katror.info
Mundesh me e lexu edhe…
Përgatiti:
