Federata e Hendbollit të Kosovës ka njoftuar se afati kalimtar veror do të jetë i hapur nga data 1 deri më 15 korrik 2025. Ky vendim është marrë nga Bordi i FHK-së, në përputhje me Rregulloren për Regjistrimin e Lojtarëve dhe Statusin e tyre, shkruan Katror.info.
Sipas njoftimit zyrtar, pritet që ky afat të karakterizohet me lëvizje të shumta të lojtarëve, me klube dhe sportistë që tashmë kanë sinjalizuar ndryshime të mundshme në përbërje. Gjatë kësaj periudhe, shumë prej këtyre lëvizjeve pritet të zyrtarizohen.
Afati kalimtar veror konsiderohet një mundësi kyçe për përforcimin e ekipeve para fillimit të sezonit të ri, ndërsa dinamika e transferimeve pritet të sjellë ndryshime të rëndësishme në skenën e hendbollit kosovar./Katror.info
