Filharmonia e Kosovës, të shtunën, më 6 korrik, në orën 20:30, organizon koncertin përmbyllës të sezonit 2023/2024, i cili do të mbahet në sheshin “Skënderbeu” në Prishtinë. “Koncert për Paqe” është titulluar koncerti tradicional i Filharmonisë.
“Kjo mbrëmje e jashtëzakonshme muzikore përkujton dy përvjetorë të rëndësishëm: 25-vjetorin e Çlirimit të Kosovës dhe 248-vjetorin e Pavarësisë së Shteteve të Bashkuara të Amerikës”, njofton Filharmonia e Kosovës.
Në këtë ngjarje do të paraqiten para publikut vepra të fuqishme nga literatura muzikore, të interpretuara nga mbi 200 muzikantë: Orkestra dhe Kori i Filarmonisë së Kosovës, Kori i Operës së Kosovës (Dir. Hajrullah Syla) dhe Kori i Universitetit “Haxhi Zeka” – Pejë (Dir. Hysen Nimani).
Mundesh me e lexu edhe...
“Koncerti do të drejtohet nga dirigjenti Baki Jashari, ndërsa në rolin e solistëve do të prezantohen Adelina Paloja (soprano), Liridon Sadriu (tenor) dhe Safet Berisha”, thuhet në njoftim.
Ky eveniment mbështetet nga Ministria e Kulturës, Rinisë dhe Sportit e Republikës së Kosovës, Ambasada e ShBA-së në Kosovë, komuna e Prishtinës dhe partneri medial Radio Televizioni i Kosovës./Katror.info
Përgatiti:
