Parlamenti Evropian më 18 prill 2023 i dha dritën e gjelbër liberalizimit të vizave për Kosovën.
PE-ja miratoi vendimin final duke u dhënë mundësinë qytetarëve të Kosovës të lëvizin pa viza që nga 1 janari 2024,
Institucionet e BE-së u dakorduan që kërkesa për të mos pasur viza për kosovarët do të zbatohet nga data e fillimit të funksionimit të Sistemi Evropian i Informacionit dhe Autorizimit për Udhëtimet (ETIAS) dhe në çfarëdo rasti, jo më vonë se 1 janari 2024.
Mundesh me e lexu edhe...
Kësisoj, në Kosovë, kanë filluar fushata informuese lidhur me procesin e liberalizmit si dhe lëvizjes pa viza në zonën Shengen.
Po ashtu, së fundmi Europe House Kosovo, ka filluar një fushatë mirë se ardhëse për kosovarët/et në vendet e Bashkimit Europian.
Ndër të parët që i uroi mirëseardhje përmes një videoje në rrjete sociale ishte futbollisti suedez, Tobias Karlsson, duke i ftuar kosovarët/et ta eksplorojnë Suedinë pa viza, duke filluar prej Janarit.
Liberalizimi i vizave ka edhe rregullat që duhet të respektohen, si të mos tejkalohen 90 ditë brenda 180 ditëve, të keni pasaportë valide, qëllim të udhëtimit, mjete të mjaftueshme financiare, e gjithashtu liberalizimi i vizave nuk do të thotë e drejtë pune apo studime, e të tjera.
ETIAS është sistem evropian për autorizim dhe informacione rreth udhëtimit.
Ky sistem – krejtësisht elektronik – mundëson verifikimin e të dhënave të qytetarëve të vendeve të treta, që nuk nevojë për vizë, për të hyrë në Zonën Schengen.
Aty kërkohet emri, vendi i lindjes, gjinia, kombësia dhe secili që plotëson formularin duhet të ketë pasaportë, email dhe një kartelë krediti për të kryer pagesën simbolike për këtë dokument./Katror.info
Përgatiti:
