Flaka Loxha ka bërë hapin e madh në karrierë. Ajo e ka fituar medaljen e parë në garat elitare, përkatësisht në garat e Turit Botëror të Xhudos.
Flaka të premten e fitoi medaljen e bronztë në garën Grand Prix në Zagrebit. E treta u rendit në kategorinë deri 57 kilogramë. Për medalje të bronztë e mposhti kroaten Tihea Topolovec.
Kroatja kaloi në epërsi duke realizuar kundërsulm për uazari. Por xhudistja pejane nuk humbi qetësinë. Iu përmbajt planit dhe fitoi me Ippon, të cilin e realizoi me mbërthim mjeshtëror.
Turin Botëror të Xhudos e përbërjnë garat më të mëdha të xhudos, ku përfshihen edhe turnetë Grand Slam e Grand Prix.
Flaka ka pasur rezultate te të rejat dhe në grupmoshën U23. Por 25-vjeçarja ka pritur më gjatë se që ka planifikuar për medaljen e parë në garat Grand Prix.
Kjo medalje pritet ta frymëzojë atë drejt sukseseve tjera në garat e mëdha.
Ajo e nisi garën në Zagreb me fitore ndaj japonezes Hiyori Koga. Ndaj saj realizoi hedhje të bukur për Ippon. E mposhti më pas izraeliten Maya Leopold. Ndaj saj e kontrolloi luftën, kurse fitoi me dënime. Në gjysmëfinale, Flaka Loxha zhvilloi luftë të fortë me kroaten Ana Viktorija Puljiz. Të dyja kishin nga një uazari dhe lufta shkoi në kohën shtesë. Pasi kroatja rreshtoi disa sulme, xhudistes kosovare iu dha dënimi i tretë, për pasivitet.
Por në luftë për medalje të bronztë, Flaka gjeti forcën dhe formën e duhur për triumf.
Të premten garoi edhe Erza Muminoviq, që u ndal në luftën e parë në kategorinë deri 52 kilogramë. Të shtunën në Zagreb garon Dardan Cena në kategorinë deri 73 kilogramë.
Me medaljen e së premtes, Flaka do të bëj përparim të madh në ranglistën botërore. Ajo është shpresë e madhe e Kosovës për Lojërat Olimpike “Los Angeles 2028”.
****
Flaka Loxha ka bërë hapin e madh në karrierë. Ajo e ka fituar medaljen e parë në garat elitare, përkatësisht në garat e Turit Botëror të Xhudos.
Flaka të premten e fitoi medaljen e bronztë në garën Grand Prix në Zagrebit. E treta u rendit në kategorinë deri 57 kilogramë. Për medalje të bronztë e mposhti kroaten Tihea Topolovec.
Kroatja kaloi në epërsi duke realizuar kundërsulm për uazari. Por xhudistja pejane nuk humbi qetësinë. Iu përmbajt planit dhe fitoi me Ippon, të cilin e realizoi me mbërthim mjeshtëror.
Turin Botëror të Xhudos e përbërjnë garat më të mëdha të xhudos, ku përfshihen edhe turnetë Grand Slam e Grand Prix.
Flaka ka pasur rezultate te të rejat dhe në grupmoshën U23. Por 25-vjeçarja ka pritur më gjatë se që ka planifikuar për medaljen e parë në garat Grand Prix.
Kjo medalje pritet ta frymëzojë atë drejt sukseseve tjera në garat e mëdha.
Ajo e nisi garën në Zagreb me fitore ndaj japonezes Hiyori Koga. Ndaj saj realizoi hedhje të bukur për Ippon. E mposhti më pas izraeliten Maya Leopold. Ndaj saj e kontrolloi luftën, kurse fitoi me dënime. Në gjysmëfinale, Flaka Loxha zhvilloi luftë të fortë me kroaten Ana Viktorija Puljiz. Të dyja kishin nga një uazari dhe lufta shkoi në kohën shtesë. Pasi kroatja rreshtoi disa sulme, xhudistes kosovare iu dha dënimi i tretë, për pasivitet.
Por në luftë për medalje të bronztë, Flaka gjeti forcën dhe formën e duhur për triumf.
Të premten garoi edhe Erza Muminoviq, që u ndal në luftën e parë në kategorinë deri 52 kilogramë. Të shtunën në Zagreb garon Dardan Cena në kategorinë deri 73 kilogramë.
Me medaljen e së premtes, Flaka do të bëj përparim të madh në ranglistën botërore. Ajo është shpresë e madhe e Kosovës për Lojërat Olimpike “Los Angeles 2028”.
(E përditësuar)
Flaka Loxha (-57 kg) në finale të Grand Prix Zagreb, ajo në xhiron e parë ishte e lirë, në xhiron e dytë ajo mposhti me Ippon, japonezen Hiyori Koga.
Loxha në çerekfinale mposhti në vazhdime me tri dënime për Ippon, garuesen nga Izraeli Maya Leopold.
Në gjysëmfinale ajo u takua me kroaten Ana Viktorija Puljiz, rezultati ishte baraz në vazhdime me nga një Wazaari dhe me nga dy dënime, pastaj Flaka u dënua prapë dhe humbi me tri dënime për Ippon.
Garuesja jonë për të bronztën ndeshet me kroaten tjetër Tihea Topolovec.
Sot u ndesh edhe Erza Muminoviq (-52 kg) e cila nuk arriti të kaloj ndeshjen e parë, ajo humbi me Ippon nga garuesja e Azerbejxhanit Aydan Valiyeva dhe nuk vazhdoi tutje.
***
Xhudistja Flaka Loxha ka arritur në gjysmëfinale të Grand Prix në Zagreb.
Flaka po garon sot në kategorinë deri 57 kg dhe tashmë i ka dy fitore të rëndësishme.
Fillimisht e mposhti japonezen Hiyori Koga e më pas izraeliten Maya Leopold.
Në gjysmëfinale ka përballë xhudiste kroate, shkruan Koha.net
Ndërkaq, kujtojmë se mbi 300 xhudistë nga 40 shtete do të paraqiten në garën Grand Prix, prej të premtes deri të dielën mbahet në Zagreb të Kroacisë.
Është kjo gara e parë e Turit Botëror të Xhudos pas Lojërave Olimpike “Parisi 2024”. Pjesë e Turit Botëror janë garat më të mëdha të xhudos, ku përfshihen edhe turnetë Grand Slam e Grand Prix.
Pjesë e rregullt e këtyre garave është Kosova.
Në Zagreb, Kosova nuk paraqitet me xhudistët më të mirë. Pas Lojërave Olimpike të Parisit, Distria Krasniqi, Nora Gjakova, Laura Fazliu e Akil Gjakova kishin pushim më të gjatë. Ata janë kthyer në stërvitje vetëm në fillim të shtatorit dhe nuk pritet të garojnë menjëherë.
Por punën e madhe në stërvitje e kanë vazhduar të tjerët. Provë të rëndësishme në Zagreb do të kenë Erza Muminoviqi, Flaka Loxha e Dardan Cena. Erza garon në kategorinë deri në 52 kilogramë, Flaka në kategorinë deri në 57 kilogramë, ndërsa Dardani në kategorinë deri në 73 kilogramë.
Erza e Flaka garojnë sot, ndërsa Dardani të shtunën.
Këta xhudistë kanë pasur suksese të kohëpaskohshme edhe në nivelin senior. Tani ka ardhur koha që të stabilizohen në nivelin e të rriturve me paraqitje të dinjitetshme. Për ekipin e Kosovës në xhudo “paraqitje e dinjitetshme” nënkupton përfshirjen në luftë për medalje në të gjitha garat e mëdha.
“Është koha që edhe këta tre xhudistë të dëshmojnë veten dhe punën e madhe që është bërë me ta. Konkurrenca në Zagreb është e madhe, por koha është që këta tre të marrin përgjegjësi dhe të prezantohen rregullisht në nivelin që tashmë e ka ekipi ynë”, ka thënë Driton Kuka, trajner i Kosovës në xhudo.
Flaka Loxha, Erza Muminoviqi e Dardan Cena vlerësohen shpresë e madhe e Kosovës për Lojërat Olimpike “Los Angeles 2028”. Por të tre i pret konkurrencë e madhe edhe brenda ekipit për kualifikim në Olimpiadë.
Në Lojërat e Parisit, në kategorinë deri në 52 kilogramë është paraqitur Distria Krasniqi. Në kategorinë deri në 57 kilogramë është paraqitur Nora Gjakova, ndërsa në kategorinë deri në 73 kilogramë garoi Akil Gjakova. Të tre i janë kthyer punës në palestër dhe pritet të konkurrojnë edhe për një olimpiadë.
Lojërat e ardhshme janë shumë larg megjithatë. Deri atëherë ka shumë Botërorë, shumë Evropianë dhe shumë ngjarje të Turit Botëror. Shumë medalje priten për Kosovën, ndër të tjera edhe nga Loxha, Muminoviq e Cena.
Në Paris, Kosova i fitoi dy medalje. Distria Krasniqi fitoi medalje të argjendtë në kategorinë deri në 52 kilogramë ndërsa Laura Fazliu të bronztë në kategorinë deri në 63 kilogramë. Akil Gjakova u paraqit shumë mirë, por mbeti pa medalje duke u renditur i pesti. Nora Gjakova e Loriana Kuka mbetën pa plasman. Loriana i ka dhënë fund karrierës ndërsa të tjerët vazhdojnë./Katror.info
Përgatiti:
