E ashtuquajtura “tifozja më e zjarrtë” e Kampionatit Botëror ka thënë se nuk do të ndalojë së veshuri veshje provokuese – duke pranuar se ishte “super e inatosur” kur mësoi për ligjet strikte në Katar.
Super tifozja kroate Ivana Knoll ka ndjekur ndeshjet e fazës së grupeve, duke shkaktuar bujë pasi doli me një veshje të mrekullueshme me kapuç dhe një mini fustan me kuadrate që simbolizojnë flamurin kroat.
Fotografitë e tregojnë atë duke pozuar me tifozët teksa ka realizuar edhe disa poza të tjera me bikini në qytet – duke përfshirë pozimin pranë rrokaqiellit të lakuar në Lusail, shkruan The Sun.
Por fansja e futbollit, Ivana, tashmë ka marrë komente të ndryshme në internet nga ndjekësit që i bëjnë thirrje asaj që të respektojë më mirë kodin kulturor të Katarit.
Dhe ajo pranoi se ishte e frustruar kur dëgjoi për rregullat strikte përpara se të fluturonte në Lindjen e Mesme për Kampionatin Botëror.
Por Ivana zbuloi se ka qenë e kënaqur me përgjigjen që kur zbarkoi në Doha – dhe nuk ka frikë të arrestohet nga policët.
“Mendoj se si mund të dëmtojë dikë veshja apo bikinit e mija? Ma shpjegoni këtë”, tha ajo.
26-vjeçarja tha se autoritetet “nuk po i bëjnë asnjë problem” asaj në stadiume.
Ajo ndan rregullisht përditësime me 700,000 ndjekësit e saj në Instagram – duke u fotografuar në Katar e veshur me rroba banje dhe bikini.
Zyra e Jashtme e Mbretërisë së Bashkuar i këshilloi vizitorët në Katar se gratë duhet të mbulojnë shpatullat e tyre dhe të shmangin veshjen e fundeve të shkurtra.
Ivana tha: “Së pari po mendoja nëse Kampionati Botëror po ndodh atje (Katar), me siguri që ata do të na lejojnë gjithçka për ta bërë atë të rehatshme për të gjithë tifozët pa asnjë kufizim”.
“Pastaj dëgjova për rregullat dhe u trondita. Kodi i veshjes ndalon të tregoj supet, gjunjët, barkun dhe gjithçka dhe unë thashë: ‘O Zot, nuk kam as rroba për t’i mbuluar të gjitha këto’”.
“Isha shumë e zemëruar sepse nëse nuk jam myslimane dhe nëse ne në Evropë respektojmë hixhabin dhe nikabin, mendoj se ata duhet të respektojnë edhe mënyrën tonë të jetesës, fenë tonë dhe në fund unë të vesh fustane, bikini sepse jam katolike nga Kroacia që është këtu për shkak të Kampionatit Botëror”.
“Por kur mbërrita, u befasova që ata nuk po bënin ndonjë problem me veshjen, ata ju lejojnë të vishni gjithçka që dëshironi – përveç në ndërtesat qeveritare, dhe në fund kjo është diçka e mirë”.
E pyetur nëse kishte ndjerë se kishte ndonjë rrezik të arrestohej për veshjet e saj, zonja Knoll u përgjigj: “Unë kurrë nuk kam frikë nga diçka e tillë”.
Ivana, e cila e ndan jetën e saj mes Kroacisë dhe Shteteve të Bashkuara, vazhdoi: “Reagimet janë shumë të mira”.
“Shumë nga njerëzit e Katarit erdhën tek unë për të më fotografuar. Nëse do e urrenin dhe kanë diçka kundër, nuk do ta bënin. Mendoj se është një mënyrë tjetër jetese, unë dhe ata”, shtoi ajo.
Zonjusha Knoll tha se ishte mësuar me njerëzit që kërkonin fotografi, duke vënë në dukje se në Kampionatin Botëror 2018 në Rusi ajo mori shumë vëmendje dhe u bë “virale” në internet.
E pyetur për shanset e Kroacisë në Botërorin 2022, Knoll tha: “Të paktën unë dua atë që na mori Franca në Rusi – të paktën kaq, asgjë më pak”.
Franca mundi Kroacinë 4-2 në finalen e Kampionatin Botëror në Rusi në vitin 2018.
Përgatiti:
