Gjiganti mediatik amerikan“Forbes” e ka përzgjedhur Shqipërinë në listën e vendeve të paprekura nga turizmi masiv.
“Forbes” propozon një itinerar udhëtimi nëpër fshatra, ferma, shtigje e rafting në Vjosë përshkruar përmes mikpritjes së përzemërt, përvojës mes barinjve, fermerëve, verërave e ushqimit tradicional në një rrëfim për të gjitha shijet e Shqipërisë.
“Hinoki Travels zgjodhi Shqipërinë për shkëlqimin e saj nga ferma në kuzhinë, shtigjet malore më pak të eksploruara dhe mikpritjen e ngrohtë. Ai ka organizuar një udhëtim të vogël grupor në Shqipërinë e Jugu.
Duke festuar kulturat e ndryshme, ushqimin dhe bujqësinë dhe peizazhet e gjera të rajonit, ky udhëtim nëntë-ditor fokusohet në pritjen nga fermerët vendas, prodhuesit e ushqimit, barinjtë, guidat lokale dhe pronarët e bizneseve të vogla. Akomodimi është në bujtina në fshatra dhe një pikë kryesore është marrja e mostrave të ushqimit dhe verës lokale. Aventurat përfshijnë ecje prej pesë deri në gjashtë orë në ditë në terrene të përafërt dhe të pabarabartë me lartësi të ndryshme. Ka edhe një udhëtim rafting në lumin e egër Vjosa. Udhëtimi mbështet përpjekjet e EcoAlbania dhe qytetarëve shqiptarë të përkushtuar për të mbrojtur këtë lumë, një nga lumenjtë e fundit të egër të Evropës. Ka një nisje, 14-22 shtator 2024, dhe kostoja është 3,250 dollarë”, thuhet në artikullin e Forbes.
Këtë postim e ka ndarë në rrjetet sociale edhe kreu i qeverisë, Edi Rama./Katror.info
Përgatiti:
