Forbes publikon listën e futbollistëve më të paguar në botë, Ronaldo apo Messi?

Revista prestigjioze Forbes ka publikuar listën më të re me 11-të futbollistët më të paguar në botë, ku Cristiano Ronaldo prinë, ndërsa pas tij vjen Lionel Messi i dyti dhe Neymar Jr i treti.

Paratë e Superligës së Arabisë Sauditë “kanë ndryshuar lojën” në afatin kalimtar të transferimeve. Klubet e mëdha saudite kanë ndryshuar tërësisht rrjedhën e kontratave të reja për lojtarët, duke i paguar me shuma të mëdha.

Kështu, në listën e publikuar nga Forbes për lojtarët më të paguar për vitin 2023, katër vijnë nga Superliga e Arabisë Saudite dhe vetëm gjashtë nga Evropa.

Diçka e paimagjinueshme disa sezone më parë. Për më tepër, në këtë listë nuk ka asnjë lojtar nga Real Madrid dhe vetëm një nga Barcelona.

The World’s Highest-Paid Soccer Players 2023 https://t.co/8fl3jqrVU1 by @justbirny pic.twitter.com/NXRZoYUL6e

— Forbes (@Forbes) October 13, 2023

Lojtari më i paguar për vitin 2023 është Ronaldo, i cili do të fitojë plot 260 milionë euro, ku 200 milionë vijnë nga kontrata me Al Nassr dhe 60 milionë euro fitime tjera jashtë fushës nga sponsorizimet.

Në vendin e dytë renditet Messi me 135 milionë euro fitime, i cili fiton 65 milionë euro nga kontrata me Inter Milanin dhe 70 milionë jashtë fushës,  ndërsa podiumin e plotëson Neymar me 112 milionë euro time.

Pas tyre në dhjetëshe vijnë emra si Kylian Mbappe (110 milionë euro), Karim Benzema, Erling Haaland, Mohamed Salah, Sadio Mane, Kevin de Bruyne, Harry Kane dhe Robert Lewandowski (34 milionë euro).

1.Cristiano Ronaldo – 260 milionë euro

200 milionë euro nga kontrata me Al Nassr – 60 milionë euro nga sponsorët

2.Lionel Messi – 135 milionë euro

65 milionë euro nga kontrata me Inter Miami – 70 milionë euro nga sponsorët

3.Neymar JR – 112 milionë euro

80 milionë euro nga kontrata me Al Hilal – 32 milionë euro nga sponsorët