Ndërkohë që qytete të shumta në Evropë po regjistrojnë temperatura minus këto ditë, është e vështirë të mos pyesim veten se si ndikon i ftohti në shëndetin tonë. Edhe pse nuk tingëllon aq e këndshme sa zhytja në një banjë të ngrohtë, moti i ftohtë në fakt mund të jetë i mirë për ne.
Dekada të tëra kërkimesh kanë lidhur ekspozimin ndaj të ftohtit, qoftë në formën e dushit, banjës apo vrapimit në natyrë gjatë dimrit, me përfitime të panumërta. Këtu janë disa arsye pse i ftohti mund të jetë sekreti për një shëndet më të mirë.
Forcon sistemin imunitar
Mundesh me e lexu edhe…
Përdorimi i një rubineti të ftohtë gjatë dushit, qoftë edhe për vetëm 30 sekonda, mund të forcojë sistemin imunitar, thonë ekspertët. Uji i ftohtë mendohet se stimulon leukocitet – qelizat e bardha të gjakut që luftojnë infeksionin.
Sipas një studimi të vitit 2016 në Holandë, njerëzit që bëjnë dush të ftohtë kanë më pak gjasa të marrin leje mjekësore. Përveç rritjes së produktivitetit të punës për shkak të më pak ditëve të sëmundjes, shkencëtarët kanë sugjeruar që marrja e dusheve të ftohta mund të përmirësojë cilësinë e jetës dhe të reduktojë ankthin.
Na mban vitalë
Dushi i ftohtë mund të na mbajë të dobët, por vetëm nëse më pas dridhemi. Kjo mendohet të jetë pasojë e termogjenezës, një proces që trupi përdor për të gjeneruar nxehtësi, e cila ka efektin indirekt të djegies së kalorive.
Studimi, i udhëhequr nga dr. Mariëtte Boon nga Qendra Mjekësore e Universitetit Leiden në Holandë, zbuloi se kjo metodë është një mënyrë efikase e shpenzimit të energjisë. Dr. Boon rekomandon që ata që duan të provojnë ekspozimin e ftohtë të fillojnë me një dush të ftohtë prej 20 sekondash në mëngjes dhe më pas të punojnë deri në 90 sekonda.
Redukton rrezikun e depresionit
Dushi i ftohtë madje mund të përmirësojë disponimin tonë. Sipas një studimi të vitit 2007 të kryer nga studiues në Shkollën e Mjekësisë të Universitetit të Commonwealth të Virginias, ekspozimi ndaj të ftohtit lehtëson simptomat e depresionit.
Ekspozimi ndaj të ftohtit mendohet se aktivizon sistemin nervor dhe rrit rrjedhjen e gjakut në tru, gjë që stimulon lirimin e noradrenalinës. Është vërtetuar se ky neurotransmetues ka një efekt pozitiv në humor.
Disa studime kanë gjetur gjithashtu një rritje të dopaminës pas ekspozimit ndaj ujit të ftohtë, i njohur si hormoni i kënaqësisë.
Redukton stresin
I ftohti mund të jetë mënyra më e mirë për t’u çlodhur dhe për të lehtësuar stresin. Gjegjësisht, nivelet e stresit janë treguar të përmirësohen në përgjigje të zhytjes në ujë të ftohtë, sipas një studimi të vitit 2004 nga studiuesit finlandezë. Besohet se uji i ftohtë çliron noradrenalinën dhe ka efekte të dobishme në lehtësimin e dhimbjes dhe inflamacionit.
Ushtrimet në mot të ftohtë rrisin qëndrueshmërinë
Vrapimi në temperatura të ftohta mund të rrisë fuqinë e djegies së kalorive gjatë stërvitjes, si dhe qëndrueshmërinë.
Studiuesit nga Universiteti Aston në Birmingham pohojnë se stërvitja jashtë në dimër do të rrisë numrin e kalorive të djegura, gjë që mund të ndihmojë në humbjen e peshës. Kjo është për shkak se trupi duhet të punojë më shumë për të ruajtur temperaturën e tij bazë, e cila nxit metabolizmin. Studiuesit nga Universiteti St Mary në Londër zbuluan se kushtet e ftohta ulin rrahjet e zemrës së vrapuesve me gjashtë për qind, duke e bërë vrapimin më pak të mundimshëm. Falë këtij mekanizmi, ushtrimet në mot të ftohtë mund të rrisin qëndrueshmërinë./Katror.info
Përgatiti:
