Garda, një fshat piktoresk i vendosur në brigjet e liqenit dhe rrëzë Alpeve të Italisë, është një destinacion i pazakontë me pothuajse 1000 banorë. Një vend i habitshëm me një klimë jashtëzakonisht të butë, i mbushur me tarraca limoni, si dhe me një gjenetikë të fuqishme, i bën banorët e Gardës tё ndihen me fat.
Kjo përzierje faktorësh është ajo për të cilën fshati pretendon se zotëron një “eliksir” sekret që i dhuron një jetë të shëndetshme dhe të gjatë. Shumë vendas janë të bekuar me aftësi të shkëlqyera tretëse që i lejon ata të hanë sa të duan pa u shqetësuar për shtimin në peshë ose problemet e shëndetit. Këta banorë kanë atë që e quajnë “gjeni i limonit”, i cili përmban një proteinë të veçantë që shkatërron yndyrnat e tepërta.
Për 40 vjet, të gjithë vendasit kanë qenë nën vëzhgim shkencor. Ndër ta edhe një banor vendas, Gianni Segala, i cili tregon se si mjekët i kërkonin shpesh të hante ëmbëlsira të shumta, për të monitoruar më pas gjakun e tij.
Mundesh me e lexu edhe…
“Gjeni është shumë i fuqishëm në familjen time. Unë dhe vëllezërit e mi, nëna ime – e cila është 96 vjeç – dhe të gjithë fëmijët e mi e trashëgojmë atë. Që nga vitet 1980, ne kemi dhënë gjak për analiza të përsëritura. Mjekët më kërkonin të haja aq shumë ëmbëlsira sa që më vinte për të vjellë, por më pas vërenin se gjaku im i shkatërronte yndyrnat menjëherë”, rrëfen Segala.
Gjeni u identifikua fillimisht në gjakun e një shoferi, një paraardhës i familjes Segala, i cili kishte pësuar një aksident në Milano dhe u dërgua menjëherë në spital. Mjekët që u kujdesën për të u habitën nga rezultatet e mahnitshme të analizave të gjakut dhe filluan një fushatë masive ekzaminimi në fshat.
“Unë zotëroj një gjen që më ofron një lloj sigurie në jetë. Ndihem më i mbrojtur nga pikëpamja shëndetësore dhe i sigurt se nuk do të kem arterie të bllokuara ose nuk do të vdes nga një atak në zemër kur të plakem.”
Banorët thonë se mund të hanë sa të duan mishra me yndyrë, proshutë, sallamë, makarona apo ëmbëlsira, pa u shqetësuar për shëndetin. Sipas tyre, edhe pse mund të hanë shumë dhe ndonjëherë edhe pa kontroll, nuk ndiejnë dhimbje stomaku apo shqetësime të tjera.
Në vitin 2000, një ekip shkencëtarësh sintetizuan proteinën e ashtuquajtur “Limone” dhe e injektuan atë te lepujt. Te kafshët u pa një rënie e ndjeshme e mpiksjes së gjakut në arteriet e tyre. Sipas mjekëve, “Limone” është një gjen dominues, i gjetur në ADN-në e pesëvjeçarëve, të rinjve dhe të moshuarve të fshatit Garda./Katror.info
Përgatiti:
