Qytetarët e Fushë Kosovës kanë marrë një lajm të mirë sot lidhur me çmimin e bukës.
Nga 60 cent sa ka qenë deri tani çmimi i bukës, sot është liruar në 50 cent.
Endrit Kabashaj, pronar i Furrës Aroma- E, Fushë Kosovë, ka konfirmuar për Katror.info, se çmimi i bukës në këtë Komunë është liruar.
Mundesh me e lexu edhe…
”Çmimi i bukës është liruar për 10 cent momentalisht. Ka qenë 60 cent, ndërsa tani një bukë kushton 50 cent”, ka thënë ai.
Lidhur me këtë ai ka thënë se këtë çmim tani e kanë pothuajse 90% e furrave në Fushë Kosovë.
Kujtojmë se Kosova është përballur me rritje të çmimeve edhe të produkteve esenciale që nga viti 2021 e derë tani, kjo si pasojë e pandemisë Covid 19, si dhe pas pushtimit të Ukrainës e cila është një nga eksportueset më të mëdha të grurit në Evropë.
Ndërsa, çmimi i miellit në Kosovë ka filluar të bije për 30%, kurse buka mbetet me po të njëjtin çmim pothuajse në të gjitha qytetet e Kosovës. /Katror.info
Përgatiti:
