Ministria e Kulturës, Rinisë dhe Sportit ka bërë të ditur se këtë vit Galeria Kombëtare do të ketë mundësi të blejë vepra artistike të artistëve vendorë në vlerë prej 400.000 eurosh.
MKRS ka njoftuar gjithashtu se këtij projekti i ka paraprirë ndarja e buxhetit prej 1 milion eurosh gjatë tre viteve të fundit, ku edhe ka ndodhur pika e kthesës në koleksionimin e artit për Kosovë.
”Në vitet 2022 dhe 2023, Galeria Kombëtare e Kosovës ka pasuruar Fondin me 148 vepra të reja nga artistët vendas. Për më tepër, koleksioni është plotësuar me 120 punime nga koleksioni i Hotelit Grand duke përfshirë këtu disa nga artistët më të njohur në vend si dhe me 75 vepra të reja nga artistë të përzgjedhur të cilët morën pjesë në Bienalen Nomade Evropiane, Manifesta 14, e organizuar në Prishtinë”, thuhet në njoftim.
Mundesh me e lexu edhe…
Sipas këtij njoftimi, Galeria Kombëtare e Kosovës këtë vit do të bëjë blerje të reja me buxhet prej 400.000 eurosh, duke vazhduar me hulumtime më të gjerësishme për artistët modern dhe bashkëkohorë në kontekstin vendor. /Katror.info
Përgatiti:
