Debati mbi sjelljet e Gjeneratës Z në punë ka qenë i gjallë vitet e fundit, duke nxjerrë në pah një hendek të dukshëm mes pritshmërive tradicionale të etikës zyrtare dhe qasjes së punonjësve të rinj. Nga estetikët e mediave sociale si “office siren”, te termat viral si “quiet quitting” dhe “soft life”, si dhe trendet statistikore si preferenca për punë individuale, duket se Gjenerata Z po sjell një epokë të re të sjelljes në punë, ndryshe nga brezat e mëparshëm.
Një nga këto ndryshime është etiketa e emailit. CEO i kompanisë IT Wipro, me 260,000 punonjës, i tha Guardian në 2023 se rreth 10% e stafit “nuk kontrollon asnjë email në muaj”. Një studim Babbel i vitit të kaluar zbuloi se nga 2,000 punonjës zyre, 36% e të rinjve të Gjeneratës Z kishin më shumë se 1,000 emaila të pa lexuar, krahasuar me 18% të punonjësve në përgjithësi, shkruan Yahoo, transmeton Katror.info.
“Boomerët dhe Gen X varen shumë më shumë nga emaili,” thotë Sam. “Kur punoja me njerëz më të vjetër, ata preferonin të bënin biseda të gjata me email për çdo komunikim të rëndësishëm, formal ose joformal. Ekipi im aktual është më i ri, dhe shumica e komunikimeve, pavarësisht urgjencës, ndodhin në Slack. Emaili është vetëm një mjet dytësor.”
Mundesh me e lexu edhe…
Sam mendon se kjo preferencë lidhet pjesërisht me ndryshimin e peizazhit të përdorimit të emailit. Ai aktualisht ka mbi 10,000 emaila të pa lexuar në inbox-in e tij të punës, kryesisht njoftime automatike nga Jira dhe raporte të ndryshme.
“Te ne në zyrë, komunikimi në Slack zëvendëson shumë nga komunikimet ditore, kështu që emaili bëhet një mjet vetëm për memorandume të rëndësishme,” thotë ai. “Kontrollimi i emailave është bërë stresues me rritjen e numrit të newsletter-ave. Memorandumet e rëndësishme humbasin mes shumë informacioneve të parëndësishme që mund të ishin thjesht një njoftim push.”
Anna, 29 vjeçe, e cila konsiderohet një “zillennial”, thotë se ka parë ndryshimin në kulturën e emailit mes një mjedisi të dominuar nga millennials dhe një të dominuar nga Gen Z. “Kontrollimi i vazhdueshëm i emailave shihet si pjesë e profesionalizmit për brezat më të vjetër. Por të rinjtë nuk e lidhin këtë të dyja,” shpjegon ajo.
Sipas saj, faktore si rritja e newsletter-eve automatike, një kulturë anti-punë mes të rinjve dhe përhapja e punës në distancë kanë ndikuar në këtë ndryshim. “Shumë nga ne jetojmë në një gjendje online të përhershme. Por ndryshimi në etikën e emailit është pjesë e mentalitetit më të madh të Gen Z: ‘Nuk po bëj më shumë se ç’është kërkuar.’ Sinqerisht, mendoj se kjo është gjëja e duhur.” /Katror.info
Burimi: Yahoo
Përktheu dhe përshtati: Katror.info
