Gjykata Kushtetuese e Republikës së Kosovës ka përmbyllur punëtorinë e planifikimit strategjik, duke formësuar planin e saj për tre vitet e ardhshme, 2026–2028. Ky proces ka shërbyer si një hap thelbësor drejt përmirësimit të funksionimit institucional dhe forcimit të besimit në sistemin kushtetues.
Nga vlerësimi i planit të mëparshëm 2021–2025 e deri te vendosja e objektivave të reja, punëtoritë bashkë me konsultimet dhe rishikimet kanë bashkuar gjyqtarët, stafin dhe partnerët institucionalë dhe ndërkombëtarë.
Strategjia e re përqendrohet në tre fusha kyçe:
Mundesh me e lexu edhe…
- Përmirësimin e cilësisë dhe efikasitetit të vendimmarrjes
- Zhvillimin e kapaciteteve institucionale dhe menaxhimin më të mirë të burimeve
- Forcimin e komunikimit me publikun, gjykatat dhe partnerët ndërkombëtarë
Me pronësi të plotë lokale dhe mbështetje të Këshillit të Evropës, plani i ri nuk përfaqëson vetëm një dokument formal, por një angazhim të përbashkët për të avancuar drejtësinë kushtetuese dhe për të garantuar një gjykatë më të hapur, efikase dhe transparente për qytetarët e Kosovës./Katror.info
