Ekspozimi i zgjatur në diell është një nga kontribuesit kryesorë në plasaritjen e asfaltit. Kjo për shkak se nxehtësia nga dielli than lagështinë e rrugës, duke e bërë atë të brishtë dhe të prirur për t’u konsumuar.
Një ekip shkencëtarësh ka zbuluar se shtimi i gomës nga gomat e vjetra në asfalt mund të ndihmojë që rrugët të zgjasin dy herë më shumë përpara se të krijohen çarje, transmeton Katror.info.
Ekipi i studiuesve në Universitetin RMIT të Australisë ka dalë me një zgjidhje miqësore me mjedisin që mund të mbrojë rrugët nga rrezet e ashpra të diellit. Metoda përfshin shtimin e gomës së grirë nga gomat e mbeturinave në ‘recetën’ e rrugës – duke trajtuar si ndikimet mjedisore të mirëmbajtjes së rrugëve ashtu edhe problemin e mbetjeve të gomave të hedhura.
Mundesh me e lexu edhe…
Si pjesë e studimit të publikuar në Journal of Cleaner Production, ekipi testoi efektet mbrojtëse të gomës së thërrmuar duke e shtuar atë në shtresën e sipërme të asfaltit në tre përqendrime të ndryshme – 7.5 përqind, 15 përqind dhe 22.5 përqind.
Studiuesit më pas përshpejtuan procesin e plakjes së tre mostrave të rrugës duke i ekspozuar ato ndaj niveleve të larta të dritës UV për një muaj e gjysmë – ekuivalenti i asaj që rrugët do të përballonin për 12 muaj. Faza e fundit përfshin matjen dhe krahasimin e ndryshimeve në vetitë fizike dhe kimike të të tre mostrave të rrugës.
“Ne zbuluam se shtimi midis 18 dhe 22 për qind e gomës së thërrmuar gjeneron një ekuilibër ideal për sa i përket përmirësimit të rezistencës ndaj ngarkesës së trafikut dhe lodhjes, ndërsa i reziston plakjes UV,” tha autori kryesor i studimit, Filippo Giustozzi.
“Kjo vepron në mënyrë kaq efektive si një krem mbrojtës për rrugët, saqë në fakt e bën sipërfaqen të zgjasë dy herë më shumë se betoni i zakonshëm. Ne e dinim që UV do të ishte një faktor në degradimin e rrugëve, por jo në çfarë shkalle apo si të mbroheshim kundër tij, pasi askush nuk e ka parë vërtet këtë aspekt”, shtoi tutje ai. /Katror.info
Përgatiti:
